Բաքվի դատարանը ֆրանսիացի գործարար Մարտին Ռայանին դատապարտել է 10 տարվա ազատազրկման։ Ըստ AFP-ի՝ նա մեղադրվել է Բաքվի՝ Թուրքիայի և Պակիստանի հետ ռազմական համագործակցության մասին գաղտնի տեղեկություններ հավաքելու մեջ։
Ռայանի ենթադրյալ հանցակիցը՝ Ադրբեջանի քաղաքացի Ազադ Մամեդլին, «պետական դավաճանության» համար դատապարտվել է 12 տարվա ազատազրկման։
Դատավարությունը սկսվել էր 2025 թվականի հունվարին։ Երկու մեղադրյալներն էլ իրենց մեղավոր չեն ճանաչել։
«Mercorama»-ի գործադիր տնօրեն Մարտին Ռայանը ձերբակալվել է 2023 թվականի դեկտեմբերին։ Նրան, մասնավորապես, մեղադրել են Լեռնային Ղարաբաղի հակամարտության ընթացքում ադրբեջանական բանակի սպառազինության և անձնակազմի վերաբերյալ տեղեկություններ հավաքելու մեջ։
Ինչպես նշում է AFP-ն, գործարարի ձերբակալությունը տեղի է ունեցել Փարիզի և Բաքվի միջև դիվանագիտական լարվածության շրջանում։ 2023 թվականին Ադրբեջանի նախագահ Իլհամ Ալիևը Հայաստանին զենք մատակարարելու պատճառով մեղադրել էր Ֆրանսիային Կովկասում նոր պատերազմ հրահրելու մեջ։
Փարիզում հայտարարել էին, որ Բաքուն սպառնում է Երևանին։ Ի պատասխան՝ Ադրբեջանը վտարել էր ֆրանսիացի դիվանագետներին, որին հաջորդել էր Փարիզի նմանատիպ քայլը։ Ֆրանսիայի արտաքին գործերի նախարարությունը Ռայանի ձերբակալությունն անվանել էր «կամայական»՝ կոչ անելով նրան ազատ արձակել։
ՀՀ տարածքում Ադրբեջանի ԶՈՒ դիրք չի կառուցվել. ՊՆ մամուլի խոսնակ
Ցիկլոնի ներթափանցմամբ պայմանավորված տեղումներ, բուք կլինեն
Դադարեցրել եմ անդամակցությունս «Քաղաքացիական պայմանագիր» կուսակցությանը․ Վլադիմիր Վարդանյան
Ինչո՞ւ է աղմկում Երևանը
Մասնագիտական ուսուցումը կարող է ավելի գրավիչ դառնալ
Ինչո՞ւ չունենք կանաչ Երևան
Անչափահասների կողմից կատարված հանցագործություններ. 2025 թվական
Տղամարդն Իրանից Հայասատան է տեղափոխել 22 կգ թմրամիջոցով պարկ
Կոռուպցիոն գործերով 2025 թվականին վերականգնված գումարի չափը շուրջ 4 անգամ գերազանցել է 2024 թվականի ...
Կորեան կամրապնդի իր բարեկամությունն ու կապերը Չինաստանի հետ