ԱՄՆ նախագահ Դոնալդ Թրամփը կորցրել է հետաքրքրությունը Ուկրաինայի շուրջ ընթացող խաղաղության բանակցությունների նկատմամբ՝ ուշադրությունը կենտրոնացնելով Մերձավոր Արևելքում տեղի ունեցող զարգացումների, մասնավորապես՝ Իրանի հետ կապված պատերազմի վրա։ Այս մասին գրում է Financial Times-ը՝ հղում անելով եվրոպացի պաշտոնյաներին։
Թերթի տեղեկություններով՝ Ուկրաինայի հարցով ԱՄՆ-ի ճնշումը Ռուսաստանի նկատմամբ նույնպես թուլացել է։ ԱՄՆ-ի, Ռուսաստանի և Ուկրաինայի մասնակցությամբ վերջին եռակողմ բանակցությունները տեղի էին ունեցել փետրվարի կեսերին Ժնևում, սակայն դրանց արդյունքների մասին հրապարակվել էին միայն սահմանափակ հայտարարություններ։
Հանդիպման ընթացքում կողմերը որոշակի առաջընթաց էին արձանագրել հրադադարի տեխնիկական մանրամասների քննարկման հարցում, սակայն քիչ առաջընթաց էր գրանցվել քաղաքական հարցերում՝ մասնավորապես պատերազմի ավարտի պայմանների շուրջ բանակցություններում։
Ռուսաստանը շարունակում է պահանջել ուկրաինական զորքերի դուրսբերում Դոնբասի ամբողջ տարածքից, ինչը Կիևը շարունակում է անընդունելի համարել։ Բաց է մնում նաև Զապորոժյեի ատոմակայանի կարգավիճակի հարցը, որը ներկայումս գտնվում է Ռուսաստանի վերահսկողության տակ։
Եռակողմ բանակցությունների հաջորդ փուլը հետաձգվել է Մերձավոր Արևելքում լարվածության աճի պատճառով։ Եվրոպացի դիվանագետների խոսքով՝ Վաշինգտոնն այժմ առաջնահերթություն է տալիս տարածաշրջանային նոր ճգնաժամին, ինչի հետևանքով Ուկրաինայի հարցը երկրորդ պլան է մղվել։
Ռուսաստանի նախագահի մամուլի քարտուղար Դմիտրի Պեսկովը նույնպես հաստատել է, որ բանակցություններում փաստացի դադար է առաջացել՝ նշելով, որ ամերիկյան կողմը ներկայում այլ առաջնահերթություններ ունի։
Միևնույն ժամանակ, ԱՄՆ-ից Ուկրաինա զենքի մատակարարումները, այդ թվում՝ հակաօդային պաշտպանության համակարգերը, նույնպես կարող են հետաձգվել։ ԵՄ արտաքին գործերի և անվտանգության քաղաքականության բարձր ներկայացուցիչ Կայա Կալասի խոսքով՝ Ուկրաինան և Մերձավոր Արևելքի երկրները այժմ փաստացի մրցակցում են ամերիկյան օգնության համար, գրում է BBC-ին։
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Հունիսի 7-ը Մեր 2-րդ Անկախության Հանրաքվեն Է
Լրատվամիջոցների ու լրագրողների իրավունքների խախտումների թիվը նվազել է
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Կենսաչափական անձնագրերը քաղաքացիներին հասանելի կլինեն 2026 թվականի աշնանը
Առողջապահության նախարարն այցելել է Շիրակի մարզի՝ վերանորոգված և բուժսարքավորումներով հագեցած պոլիկլի...
Մեր նպատակն է, որ ՀՀ սահմանի բոլոր հատվածները լինեն սահմանապահ զորքերի պատասխանատվության ներքո
Միջադեպը բացարձակապես կապ չունի հանրային տրանսպորտի վարորդի կամ վճարման համակարգի հետ