Թորոսյանը վերահաստատել է ՀՀ հանձնառությունը կանանց և աղջիկների իրավունքների պաշտպանության, բռնությունից ու խտրականությունից զերծ հասարակության ձևավորման ուղղությամբ
Աշխատանքի և սոցիալական հարցերի նախարար Արսեն Թորոսյանը ելույթ է ունեցել Նյու Յորքում անցկացվող ՄԱԿ-ի Կանանց կարգավիճակի հանձնաժողովի 70-րդ նստաշրջանում։ Նախարարը ներկայացրել է գենդերային հավասարության ապահովման ոլորտում Հայաստանի կողմից գրանցված առաջընթացը՝ անդրադառնալով որոշումների կայացման գործընթացում կանանց մասնակցայնության խթանմանը, գենդերազգայուն քաղաքականության ամրապնդմանը, ինչպես նաև կանանց տնտեսական հնարավորությունների ընդլայնմանն ուղղված աշխատանքներին։ Այս մասին տեղեկացնում են նախարարությունից:
Այս համատեքստում Արսեն Թորոսյանն ընդգծել է նաև Զբաղվածության 2025-2031 թթ. ռազմավարական ծրագրով և Ժողովրդագրության 2024-2040 թթ. ռազմավարությամբ նախատեսված միջոցառումների կարևորությունը, որոնք հնարավորություն են տալիս նպաստել ընտանիքներին աջակցող միջավայրի ձևավորմանը, կանանց իրավունքների լիարժեք իրացմանը և այլն։
«Այս բոլոր նախաձեռնություններն ունեն ընդհանուր նպատակ՝ ապահովել, որ յուրաքանչյուր քաղաքացի արժանապատիվ աշխատանքի և կայուն եկամտի հասանելիություն ունենա։ Մասնավորապես, մենք կենտրոնացած ենք գյուղական բնակավայրերում կանանց զբաղվածության խթանման վրա, որտեղ տնտեսական հնարավորությունները մնում են սահմանափակ։ Այս նպատակով իրականացվում են ծրագրեր՝ աշխատաշուկայում մասնակցությունը խթանելու, մրցունակությունը բարձրացնելու, ձեռնարկատիրական հմտությունները զարգացնելու և նոր աշխատատեղեր ստեղծելու համար»,- նշել է նախարարը։
Արսեն Թորոսյանն անդրադարձել է նաև Հայաստանում կայանալիք ՄԱԿ-ի կենսաբազմազանության մասին կոնվենցիայի (COP17) համաժողովին և նշել, որ հայկական կողմը պատրաստ է ապահովել, որպեսզի կանանց, երիտասարդների և այլ շահագրգիռ կողմերի ձայները լսելի լինեն։
Ելույթի ավարտին նախարար Թորոսյանը վերահաստատել է ՀՀ հանձնառությունը գենդերային հավասարության, կանանց և աղջիկների իրավունքների պաշտպանության, ինչպես նաև բռնությունից ու խտրականությունից զերծ հասարակության ձևավորման ուղղությամբ։
«Զինապահ» հիմնադրամը 2025 թվականի ավարտի դրությամբ հատուցումներ է տրամադրել 5 հազար 510 շահառուի
Ռուբեն Վարդանյանի կինը մտադիր է կազմակերպել կանանց միջազգային մարդասիրական պատվիրակության այց Բաքու
Սուրեն Պապիկյանը Փարիզում մասնակցել է «Eurosatory 2026» միջազգային ցուցահանդեսի բացման պաշտոնական ար...
Արդեն մոտ 2 ժամ է՝ փրկարարները, ոստիկաններն ու քաղաքացիների Փամբակ գետում որոնում են մոտ 15-ամյա աղջ...
Կապանում դեղնավուն անձրևաջրերի հոսքի դեպքով վարույթ է հարուցվել․ ԲԸՏՄ
Ուկրաինայի նախագահն ու Մոսկվայի քաղաքապետը հաստատել են Կապոտնյայի նավթավերամշակման գործարանի հարվածը
Հակակոռուպցիոն կոմիտեի նախագահը միջնորդություն է ներկայացրել նախարարություն
Վենսը՝ նախագահական ընտրություններին իր մասնակցության մասին. Մենք Ուշայի հետ դա կքննարկենք միջանկյալ ...
Ա․ Մերանգուլյանի անվան ժողովրդական գործիքների վաստակավոր անսամբլի մարզային համերգները
Հաքան Ֆիդանը Մոսկվայում կքննարկի Ուկրաինայի, Սև ծովի և Հարավային Կովկասի հետ կապված հարցեր