Իրանի շուրջ ընթացող պատերազմի երկարաձգումը կարող է լուրջ տնտեսական հետևանքներ ունենալ

Մեծ Բրիտանիայի վարչապետ Քեյր Սթարմերը հայտարարել է, որ Իրանի շուրջ ընթացող պատերազմի երկարաձգումը կարող է լուրջ տնտեսական հետևանքներ ունենալ մարդկանց և բիզնեսի համար։

Վարչապետի խոսքով՝ որքան երկար շարունակվի հակամարտությունը, այնքան մեծ կլինի տնտեսության, քաղաքացիների կյանքի և տնային տնտեսությունների վրա բացասական ազդեցության հավանականությունը։ «Որքան երկար շարունակվի սա, այնքան մեծ է մեր տնտեսության, յուրաքանչյուր մարդու և յուրաքանչյուր բիզնեսի կյանքի վրա բացասական ազդեցության հավանականությունը»,- ասել է Սթարմերը։

Նա ընդգծել է, որ կառավարության առաջնահերթ խնդիրներից է կանխել այդ հետևանքները և նվազագույնի հասցնել հնարավոր տնտեսական վնասները, նշելով, որ Լեյբորիստական կառավարությունը արդեն քայլեր է ձեռնարկել երկրի տնտեսական դիմադրողականությունը ամրապնդելու համար։

Միաժամանակ, վարչապետի խոսքով, Լոնդոնը բանակցություններ է վարում միջազգային գործընկերների հետ՝ քննարկելով, թե ինչ համատեղ քայլեր կարելի է ձեռնարկել, որպեսզի պատերազմի հնարավոր տնտեսական բացասական ազդեցությունը նվազագույնի հասցվի մարդկանց և բիզնեսի համար։