Իրանում ամեն ինչ ոչնչացված է, մնացել է միայն քաջությունը. Թրամփ
ԱՄՆ նախագահ Դոնալդ Թրամփը Politico-ին տված հարցազրույցում հայտարարել է, որ ԱՄՆ գործողությունները հաջող ընթացք ունեն և վստահեցրել է, որ ընտրողները «սիրում են այն, ինչ տեղի է ունենում»։ Նրա խոսքով՝ Իրանի կառավարությունը կարող է լինել առաջինը, որը կընկնի, իսկ Կուբայի գործող ռեժիմը նույնպես շուտով կարող է փլուզվել։
Թրամփը հայտարարել է, որ ԱՄՆ-ը նշանակալի դեր կունենա Իրանի հետպատերազմյան քաղաքական կառուցվածքի ձևավորման գործում։ Նրա խոսքով՝ ԱՄՆ ազդեցությունը որոշիչ կլինի հնարավոր պայմանավորվածությունների հասնելու հարցում։ «Ես մեծ ազդեցություն կունենամ, հակառակ դեպքում նրանք որևէ համաձայնության չեն հասնի, քանի որ մենք ստիպված չենք լինի նորից դա անել»,- ասել է նա։
Թրամփը նշել է նաև, որ Վաշինգտոնը պատրաստ է աշխատել ինչպես Իրանի ժողովրդի, այնպես էլ իշխանությունների հետ՝ ապահովելու համար, որ երկիրը ղեկավարի այնպիսի անձ, որը կկարողանա վերակառուցել պետությունը, բայց առանց միջուկային զենքի։ «Մենք կաշխատենք ժողովրդի և ռեժիմի հետ, որպեսզի համոզվենք, որ իշխանության կգա մեկը, ով կկարողանա կառուցել Իրանը, բայց առանց միջուկային զենքի»,- հայտարարել է նա։
ԱՄՆ նախագահը անդրադարձել է նաև Իրանի գերագույն առաջնորդ Ալի Խամենեի որդուն, որը դիտարկվում է որպես ապագա գերագույն առաջնորդի հավակնորդ։
«Այժմ նրանք դիտարկում են որդու թեկնածությունը։ Հայրը նրան այդ պաշտոնը չէր տալիս, որովհետև ասում էին, թե նա անճարակ է»,- ասել է Թրամփը։ Նա հավելել է, որ ԱՄՆ-ը կօգնի «ճիշտ ընտրություն կատարել», որպեսզի Իրանը չունենա այնպիսի ղեկավար, որը «10 տարի անց կրկին կստիպի մեզ անել նույնը»։
Թրամփը վստահություն է հայտնել գործողությունների հաջող ընթացքի վերաբերյալ և մերժել մտահոգությունները, թե հակամարտության պատճառով բենզինի հնարավոր թանկացումը կարող է վնասել հանրապետականներին նոյեմբերյան ընտրություններում։ «Մարդիկ սիրում են այն, ինչ տեղի է ունենում։ Մենք վերացնում ենք ԱՄՆ-ի համար լուրջ սպառնալիք և դա անում ենք այնպես, ինչպես երբևէ ոչ ոք չի արել»,- ասել է նա։
Նախագահը Իրանի դեմ գործողությունները բնութագրել է որպես «վիրահատական». «Մենք գործում ենք վիրահատական ճշգրտությամբ։ Մենք ունենք անսահմանափակ զենք, անսահմանափակ պաշարներ... Հազարավոր, հազարավոր միավորներ»,- ասել է Թրամփը։
Նա նաև նկարագրել է Իրանի ռազմական կարողությունների վիճակը՝ հայտարարելով, որ դրանք հիմնականում ոչնչացված են։ «Նրանք նավատորմ չունեն, օդուժ չունեն, օդային հայտնաբերման համակարգ չունեն։ Ամեն ինչ ոչնչացված է։ Նրանց ռադարները ոչնչացված են, բանակը՝ նույնպես։ Մնացել է միայն քաջությունը»,- նշել է ԱՄՆ նախագահը։
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Հունիսի 7-ը Մեր 2-րդ Անկախության Հանրաքվեն Է
Լրատվամիջոցների ու լրագրողների իրավունքների խախտումների թիվը նվազել է
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
Կենսաչափական անձնագրերը քաղաքացիներին հասանելի կլինեն 2026 թվականի աշնանը
Առողջապահության նախարարն այցելել է Շիրակի մարզի՝ վերանորոգված և բուժսարքավորումներով հագեցած պոլիկլի...
Միջադեպը բացարձակապես կապ չունի հանրային տրանսպորտի վարորդի կամ վճարման համակարգի հետ
Մեր նպատակն է, որ ՀՀ սահմանի բոլոր հատվածները լինեն սահմանապահ զորքերի պատասխանատվության ներքո