Այն, ինչ կատարվում է Կուբայի հետ, ապշեցուցիչ է. Թրամփ
Միացյալ Նահանգները մտադիր են նախ ավարտին հասցնել Իրանի դեմ ռազմական գործողությունը, իսկ հետո անցնել Կուբայի նկատմամբ հետագա գործողությունների կուրսի մշակմանը։ Այս մասին հինգշաբթի օրը հայտարարել է ԱՄՆ նախագահ Դոնալդ Թրամփը, հաղորդում է ՏԱՍՍ-ը։
«Մարկո՛, դու ֆանտաստիկ ես աշխատում։ Եվ դու ֆանտաստիկ ես աշխատում մի վայրի ուղղությամբ, որը կոչվում է Կուբա», - ասել է նա Սպիտակ տանը տեղի ունեցած միջոցառման ժամանակ։ Ամերիկյան վարչակազմի ղեկավարը դիմել է Մարկո Ռուբիոյին, ով հանդիսանում է ԱՄՆ պետքարտուղարը, ինչպես նաև նրա ազգային անվտանգության հարցերով օգնականը։
«Այն, ինչ կատարվում է Կուբայի հետ, ապշեցուցիչ է», - կարծում է Թրամփը։ «Բայց մենք ուզում ենք նախ սա ավարտել», - նշել է նա՝ նկատի ունենալով Իրանի դեմ ռազմական արշավը։ «Դա միայն ժամանակի հարց է, թե երբ դու և շատ այլ անհավանական մարդիկ ԱՄՆ-ից հետ կգնաք Կուբա։ Հուսանք՝ ոչ այնտեղ մնալու համար։ Մենք ուզում ենք, որ դու վերադառնաս», - շարունակել է Թրամփը՝ դիմելով կուբայական արմատներ ունեցող Ռուբիոյին։
Բացի այդ, նա վստահություն է հայտնել, որ Վենեսուելայում գործերը հիանալի են։ «Այն կայունացվել է», - կարծում է Վաշինգտոնի վարչակազմի ղեկավարը։ «Մենք Վենեսուելայում ունենք հրաշալի նախագահ, ընտրված նախագահ՝ Դելսի Ռոդրիգեսը։ Նա և իր շրջապատը ֆանտաստիկ են աշխատում, աշխատում են մեզ հետ», - ասել է նա։
«Մենք Վենեսուելայից ստանում ենք հարյուր միլիոնավոր բարել նավթ, ուղարկում ենք այն Հյուսթոն և այլ կետեր՝ վերամշակման։ Եվ նրանց շատ ավելի շատ փող ենք ուղարկում, քան նրանք վաստակում էին երկար տարիների ընթացքում», - հավելել է նախագահը։
Ինչպես օրերս հայտնել էր The Atlantic ամսագիրը՝ հղում անելով իր աղբյուրներին, ԱՄՆ ղեկավարությունը դիտարկում է Կուբայի դեմ ռազմական գործողություն իրականացնելու հնարավորությունը՝ համարելով, որ Վենեսուելայի և Իրանի նկատմամբ նմանատիպ գործողությունները տալիս են Վաշինգտոնի ակնկալած արդյունքները։ Պարբերականի տեղեկություններով՝ ամերիկյան նախագահը և նրա վարչակազմի անդամները զգում են, որ իրենց մոտ ամեն ինչ ստացվում է, և ամեն ինչ ընթանում է այնպես, ինչպես հարկն է։
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Հունիսի 7-ը Մեր 2-րդ Անկախության Հանրաքվեն Է
Լրատվամիջոցների ու լրագրողների իրավունքների խախտումների թիվը նվազել է
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
Կենսաչափական անձնագրերը քաղաքացիներին հասանելի կլինեն 2026 թվականի աշնանը
Առողջապահության նախարարն այցելել է Շիրակի մարզի՝ վերանորոգված և բուժսարքավորումներով հագեցած պոլիկլի...
Միջադեպը բացարձակապես կապ չունի հանրային տրանսպորտի վարորդի կամ վճարման համակարգի հետ
Մեր նպատակն է, որ ՀՀ սահմանի բոլոր հատվածները լինեն սահմանապահ զորքերի պատասխանատվության ներքո