Փետրվարի 26-ի գիշերը ռուսական զորքերը կրկին հարձակում են իրականացրել ուկրաինական քաղաքների վրա՝ օգտագործելով անօդաչու թռչող սարքեր և բալիստիկ հրթիռներ: Հարվածների հետևանքների մասին հաղորդագրություններ են ստացվել Կիևից, Խարկովից, Զապորոժիեից և Կրիվոյ Ռոգից:
Կիևում հրդեհներ են բռնկվել Գոլոսիևսկի և Պեչերսկի շրջաններում, հայտնել է քաղաքի ռազմական վարչակազմի ղեկավար Տիմուր Տկաչենկոն: Դարնիցկի շրջանում վնասվել է ինը հարկանի շենք: Նախնական տեղեկությունների համաձայն՝ զոհեր չկան:
Խարկովում հարվածների տակ են հայտնվել կենտրոնական քաղաքային այգին, նաև Սլոբիդսկի, Սալտովսկի և Շևչենկովսկի շրջանների բնակելի շենքերը: Քաղաքապետ Իգոր Տերեխովը հայտնել է հարձակումների հետևանքով առնվազն ութ զոհի մասին:
Ըստ Խարկովի մարզի ռազմական վարչության պետ Օլեգ Սինեգուբովի՝ մարզի Ռայ-Օլենիվկա գյուղում վիրավորվել է տասնչորս մարդ։
Զապորոժիեում ռուսական հարվածներից վնասվել է 19 բնակելի շենք և չորս մասնավոր տուն, մեկ մարդ զոհվել է, ևս ութը՝ վիրավորվել։
Կրիվոյ Ռոգում ռուսական անօդաչու թռչող սարքը հարվածել է հինգհարկանի բնակելի շենքի, որի հետևանքով մեկ մարդ է զոհվել։ Ըստ Ուկրաինայի ռազմաօդային ուժերի՝ նախորդ օրը Ռուսաստանը առնվազն 115 անօդաչու թռչող սարք է արձակել ուկրաինական քաղաքների վրա։
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Հունիսի 7-ը Մեր 2-րդ Անկախության Հանրաքվեն Է
Լրատվամիջոցների ու լրագրողների իրավունքների խախտումների թիվը նվազել է
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
Կենսաչափական անձնագրերը քաղաքացիներին հասանելի կլինեն 2026 թվականի աշնանը
Առողջապահության նախարարն այցելել է Շիրակի մարզի՝ վերանորոգված և բուժսարքավորումներով հագեցած պոլիկլի...
Միջադեպը բացարձակապես կապ չունի հանրային տրանսպորտի վարորդի կամ վճարման համակարգի հետ
Մեր նպատակն է, որ ՀՀ սահմանի բոլոր հատվածները լինեն սահմանապահ զորքերի պատասխանատվության ներքո