Իրանի հետ լարվածության աճի պատճառով ԱՄՆ-ն զորքերը դուրս է բերում Սիրիայից

ԱՄՆ-ն պատրաստվում է մեծ մասամբ դուրս բերել իր մնացած զորքերը Սիրիայից առաջիկա մի քանի ամիսների ընթացքում, BBC-ին ասել է Սպիտակ տան բարձրաստիճան պաշտոնյան։ Սպիտակ տան բարձրաստիճան պաշտոնյայի խոսքով՝ Սիրիայի իշխանությունները համաձայնել են ստանձնել ահաբեկչության դեմ պայքարի հիմնական պատասխանատվությունը, և ամերիկյան լայնածավալ ներկայությունն այլևս անհրաժեշտ չի համարվում։

ԱՄՆ-ը առաջիկա ամիսներին պատրաստվում է մեծամասամբ դուրս բերել Սիրիայում տեղակայված իր շուրջ 1000 զինծառայողներին։ Սպիտակ տան բարձրաստիճան պաշտոնյայի խոսքով՝ Սիրիայի իշխանությունները համաձայնել են ստանձնել ահաբեկչության դեմ պայքարի հիմնական պատասխանատվությունը, և ամերիկյան լայնածավալ ներկայությունն այլևս անհրաժեշտ չի համարվում։

Վաշինգտոնի որոշումը կայացվել է Իրանի հետ լարվածության աճի պայմաններում․ ԱՄՆ-ն ուժեղացնում է իր ռազմական ներկայությունը տարածաշրջանի այլ հատվածներում։

Իրանի մերձակայքում արդեն տեղակայված է Abraham Lincoln ավիակիրը, իսկ առաջիկա շաբաթներին տարածաշրջան կժամանի նաև աշխարհի ամենամեծ ռազմանավը՝ Gerald R. Ford-ը։

Ամերիկյան զորքերը Սիրիայում են 2015-ից՝ «Իսլամական պետության» դեմ պայքարի շրջանակում։

Վերջին շրջանում անվտանգության իրավիճակի բարելավման և Դամասկոսի հետ համագործակցության խորացման ֆոնին Վաշինգտոնը անցնում է պայմանական անցումային փուլին, սակայն ընդգծում է, որ պատրաստ է արձագանքել ցանկացած սպառնալիքի տարածաշրջանում։