«Խաղաղության խորհուրդը» հավակնում է համաշխարհային կարգավորող կառույցի դերին
Մարտահրավեր ՄԱԿ-ի Անվտանգության խորհրդի՞ն
ԱՄՆ նախագահ Դոնալդ Թրամփը Դավոսի համաշխարհային տնտեսական խորհրդաժողովի շրջանակներում վաղը պետք է հաստատի նոր ստեղծվելիք միջազգային կառույցի՝ «Խաղաղության խորհրդի» լիազորությունները և կազմը: Այդ առաքելությունը Թրամփն իր վրա է ստանձնել, քանի որ հենց ինքն է նախաձեռնության հեղինակը: Թրամփը «Խաղաղության խորհրդի» գաղափարի մասին առաջին անգամ խոսել է անցյալ տարվա սեպտեմբերին, իսկ կառույցը ստեղծելու մասին հայտնել է անցած հինգշաբթի օրը՝ հունվարի 15-ին:
Նախնական փուլում այնպիսի տպավորություն էր, որ նպատակը կլինի Գազայի հակամարտության կարգավորումը, բայց հետագայում ակնհայտ դարձավ, որ «Խաղաղության խորհուրդը» հավակնում է համաշխարհային կարգավորող կառույցի դերին: Եվ հիմա աշխարհի մայրաքաղաքներում հարց են տալիս՝ «Արդյո՞ք սա մարտահրավեր չէ ՄԱԿ-ի Անվտանգության խորհրդին»:
Հայաստանը նույնպես կմիանա նախաձեռնությանը
Պաշտոնապես գաղափարի էությունն այսպես է ձևակերպված. «Խթանել կայունությունը, վերականգնել օրինական կառավարումը և հակամարտության տարածաշրջաններում ապահովել հարատև խաղաղություն»:
Շուրջ վեց տասնյակ երկրներ, այդ թվում Հայաստանը, «Խաղաղության խորհրդին» միանալու հրավեր են ստացել: Հայաստանի վարչապետ Նիկոլ Փաշինյանն արդեն հաստատել է, որ կմիանա խորհրդին:
«Հսկայական աջակցություն Խորհրդի գաղափարին»
Թրամփի հատուկ պատվիրակ Սթիվեն Ուիթքոֆի փոխանցմամբ, գաղափարը շատ դրական է գնահատվում: «Կա հսկայական աջակցություն, ճնշող։ Բոլորը հավատում են, որ սա մարդկանց միավորելու և որոշումների կայացման հարցում հավասարություն պահպանելու ուղին է։ Նախագահը ցանկանում է կյանքեր փրկել, և «Խաղաղության խորհուրդը» շատ կարևոր հարթակ է լինելու»,- ասել է Ուիթքոֆը։
Երկու գործադիր կոմիտե և մեկ գլխավոր խորհուրդ
Խորհուրդը կունենա երեք մարմին, առաջինը Գործադիր կոմիտեն է, որը նախագահելու է ԱՄՆ նախագահ Դոնալդ Թրամփը: Դրա կազմում են պետքարտուղար Մարկո Ռուբիոն, Մեծ Բրիտանիայի նախկին վարչապետ Թոնի Բլեյրը, Թրամփի փեսա Ջարեդ Քուշները, հատուկ պատվիրակ Սթիվեն Ուիթքոֆը, «Ապոլո Գլոբալ Մանաջմենթ» ընկերության ղեկավար Մարք Ռոուենը, Համաշխարհային բանկի նախագահ Աջայ Բանգան և ամերիկացի քաղաքական խորհրդական Ռոբերտ Գեբրիել-կրտսերը: Երկրորդ մարմինը կլինի նաև Գործադիր կոմիտե Գազայի վերականգնման հարցով:
Դրա կազմում են Թուրքիայի արտգործնախարար Հաքան Ֆիդանը, Քաթարի ռազմավարական գործերի նախարար Ալի Ալ-Թավադին, Եգիպտոսի հետախուզության ղեկավար Հասան Ռաշադը, Արաբական միացյալ Էմիրությունների պետական համագործակցության նախարար Ռիմ ալ-Հաշիմին, ՄԱԿ-ի հատուկ համակարգող Սիգրիդ Կաագը և գործարար Յակիր Գաբայը:
Եվ վերջապես խորհրդի երրորդ մարմինը՝ Խաղաղության գլխավոր խորհուրդն է: Դրանում ներկայացված են անձամբ Թրամփի կողմից հրավեր ստացած վեց տասնյակ երկրների լիդերները:
Ամենաթանկ անդամավճարը պատմության ընթացքում
Խաղաղութան խորհրդի մշտական անդամություն ստանալու համար պետք է վճարել մեկ միլիարդ դոլար: Սա, թերևս, ամենաթանկ անդամավճարն է մարդկության պատմության ընթացքում: Որևէ երկիր, որն ի զորու չէ մեկ միլիարդ վճարել՝ կստանա ժամանակավոր անդամի կարգավիճակ՝ երեք տարի ժամկետով:
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Հունիսի 7-ը Մեր 2-րդ Անկախության Հանրաքվեն Է
Կենսաչափական անձնագրերը քաղաքացիներին հասանելի կլինեն 2026 թվականի աշնանը
Լրատվամիջոցների ու լրագրողների իրավունքների խախտումների թիվը նվազել է
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
Առողջապահության նախարարն այցելել է Շիրակի մարզի՝ վերանորոգված և բուժսարքավորումներով հագեցած պոլիկլի...
«Տաշիր Պիցցա»-ում աշխատակիցների են ազատել՝ «Ուժեղ Հայաստան»-ի հանրահավաքին չմասնակցելու համար
Միջադեպը բացարձակապես կապ չունի հանրային տրանսպորտի վարորդի կամ վճարման համակարգի հետ