Ըստ վարչապետի՝ Երասխ–Սադարակ հատվածում երկաթուղու վիճակը ուսումնասիրվել է այն վերաբացելու համար
Հայաստանի և Ադրբեջանի ներկայացուցիչները ուսումնասիրել են Երասխ–Սադարակ հատվածում գտնվող երկաթուղու վիճակը՝ այն վերաբացելու նպատակով։ «Արմենպրես»-ի հաղորդմամբ՝ կառավարության հարցուպատասխանի ընթացքում այս մասին հայտարարեց ՀՀ վարչապետ Նիկոլ Փաշինյանը՝ անդրադառնալով «TRIPP» զարգացման ընկերության շուրջ հնչող քննադատություններին և դրանց վերաբերյալ մտահոգություններին։
Վարչապետի խոսքով՝ կառավարությունը կարևորում է նման մեկնաբանությունները և դրանք դիտարկում է որպես վերստուգման գործիք։
«Մենք ուսումնասիրում ենք այդ մեկնաբանությունները, վերստուգում ենք՝ ճիշտ են, թե սխալ, և կարող եմ միանշանակ ասել, որ բոլոր այդ մտահոգությունները մենք ինքներս էլ ունեցել ենք։ Այդ է պատճառը, որ ստորագրվել է օգոստոսի 8-ի փաստաթուղթը և հունվարի 14-ին երկու կառավարությունների անունից հրապարակվել է շրջանակը, որտեղ բազմիցս շեշտված են Հայաստանի Հանրապետության ինքնիշխանությունն ու տարածքային ամբողջականությունը»,- նշեց վարչապետը։
Նիկոլ Փաշինյանը ընդգծեց, որ «TRIPP»-ը, չնայած քաղաքական բարձր հնչեղությանը, առաջին հերթին ներդրումային ծրագիր է։
«Սա նախևառաջ տնտեսական ծրագիր է։ Եթե հետևեք փաստաթղթերի դինամիկային, կտեսնեք, որ քաղաքական բաղադրիչը աստիճանաբար երկրորդ պլան է մղվում, իսկ առաջին պլան է մղվում ներդրումային և տնտեսական տրամաբանությունը»,- ասաց վարչապետը։
Վարչապետը հիշեցրեց, որ նախորդ շաբաթ հայկական և ադրբեջանական կողմերի ներկայացուցիչները այցելել են Երասխ–Սադարակ հատված և ուսումնասիրել երկաթուղու տեխնիկական վիճակը։
«Եթե երկաթուղու վերաբացման նպատակ չլիներ, այդպիսի ուսումնասիրություն պարզապես չէր իրականացվի»,- նշեց նա։
Նիկոլ Փաշինյանը ընդգծեց որ ընդդիմադիր շրջանակների կողմից հնչեցվող պնդումները, թե ծրագիրը չի նպաստում Հայաստանի ապաշրջափակմանը կամ վտանգում է ինքնիշխանությունը, որևէ հիմնավորում չունեն։
«Դրանք այն նույն մտահոգություններն են, որոնք մենք ինքներս ունեցել ենք գործընթացի սկզբում, և հենց այդ մտահոգությունները հասցեագրելու համար ենք սկսել այս գործընթացը։ Այսօր կարող եմ արձանագրել, որ այդ մտահոգությունները արդեն հասցեագրված են»,- հայտարարեց վարչապետը։
«Զինապահ» հիմնադրամը 2025 թվականի ավարտի դրությամբ հատուցումներ է տրամադրել 5 հազար 510 շահառուի
Ռուբեն Վարդանյանի կինը մտադիր է կազմակերպել կանանց միջազգային մարդասիրական պատվիրակության այց Բաքու
Սուրեն Պապիկյանը Փարիզում մասնակցել է «Eurosatory 2026» միջազգային ցուցահանդեսի բացման պաշտոնական ար...
Արդեն մոտ 2 ժամ է՝ փրկարարները, ոստիկաններն ու քաղաքացիների Փամբակ գետում որոնում են մոտ 15-ամյա աղջ...
Կապանում դեղնավուն անձրևաջրերի հոսքի դեպքով վարույթ է հարուցվել․ ԲԸՏՄ
Հակակոռուպցիոն կոմիտեի նախագահը միջնորդություն է ներկայացրել նախարարություն
Ուկրաինայի նախագահն ու Մոսկվայի քաղաքապետը հաստատել են Կապոտնյայի նավթավերամշակման գործարանի հարվածը
Հաքան Ֆիդանը Մոսկվայում կքննարկի Ուկրաինայի, Սև ծովի և Հարավային Կովկասի հետ կապված հարցեր
Գերմանիայի աշխատաշուկան՝ կադրերի դեֆիցիտի առաջ
Քաղաքացին պետք է առնվազն 6 ամիս բնակված լինի Հայաստանում. Կոնջորյանը մանրամասնել է՝ ինչ է նախատեսվու...