TRIPP-ը որևէ կերպ չի խախտում Հայաստանի ինքնիշխանությունը, այն կարող է մոդել լինել աշխարհի համար․ Մարկո Ռուբիո
Հայաստանն ու Միացյալ Նահանգները շարունակելու են աշխատանքները TRIPP նախագծի իրագործման ուղղությամբ, որը իսկապես բացառիկ նշանակություն ունի։ «Արմենպրես»-ի փոխանցմամբ՝ Հայաստանի արտաքին գործերի նախարար Արարատ Միրզոյանի հետ Վաշինգտոնում կայացած հանդիպումից հետո այդ մասին հայտարարել է ԱՄՆ պետքարտուղար Մարկո Ռուբիոն։
«Մենք պատրաստվում ենք ստորագրել և շարունակել աշխատանքներն այս համաձայնության իրագործման ուղղությամբ, որը, մեր խորին համոզմամբ, իսկապես բացառիկ նշանակություն ունի։
Այս համաձայնագիրը լայնորեն բացում է Հայաստանը բիզնեսի առջև՝ թույլ տալով երկրին տնտեսապես բարգավաճել՝ առանց որևէ կերպ խախտելու Հայաստանի ինքնիշխանությունը։ Ինքնիշխանության հետ կապված որևէ խնդիր այստեղ պարզապես չկա։ Այն հարգում է ինքնիշխանությունը։ Սա հիանալի օրինակ է և միաժամանակ շարունակական ճանապարհ՝ մեր երկու երկրների միջև երկկողմ հարաբերությունները զարգացնելու համար, որոնք արդեն շատ ամուր են և այս համաձայնությունների շնորհիվ շարունակում են ավելի ամրապնդվել, TRIPP-ի շրջանակներից անդին։
Եվ մենք կարծում ենք, որ TRIPP–ն իրականում դառնալու է ամբողջ աշխարհի համար օրինակելի մոդել՝ ցույց տալով, թե ինչպես կարելի է բացվել տնտեսական գործունեության և բարգավաճման համար՝ առանց որևէ կերպ կասկածի տակ դնելու կամ խաթարելու սեփական ինքնիշխանությունն ու տարածքային ամբողջականությունը։ Եվ մենք կարծում ենք, որ դա հրաշալի կլինի Հայաստանի համար, Միացյալ Նահանգների համար, բոլոր ներգրավվածների համար, բայց, վերջին հաշվով, կլինի մոդել աշխարհի համար։ Եվ մենք մեծապես հանձնառու ենք, և այսօր կարևոր քայլեր ենք ձեռնարկում և շարունակում ենք առաջ շարժվել այս ուղղությամբ»,- ասել է Ռուբիոն։
Հիշեցնենք, որ Վաշինգտոնում կայացած հանդիպման ժամանակ Հայաստանի արտաքին գործերի նախարար Արարատ Միրզոյանն ու Մարկո Ռուբիոն հաստատել են TRIPP ծրագրի համար Հայաստան-ԱՄՆ կենսագործման շրջանակի վերաբերյալ համատեղ հայտարարությունը:
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Հունիսի 7-ը Մեր 2-րդ Անկախության Հանրաքվեն Է
Կենսաչափական անձնագրերը քաղաքացիներին հասանելի կլինեն 2026 թվականի աշնանը
Լրատվամիջոցների ու լրագրողների իրավունքների խախտումների թիվը նվազել է
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
Առողջապահության նախարարն այցելել է Շիրակի մարզի՝ վերանորոգված և բուժսարքավորումներով հագեցած պոլիկլի...
«Տաշիր Պիցցա»-ում աշխատակիցների են ազատել՝ «Ուժեղ Հայաստան»-ի հանրահավաքին չմասնակցելու համար
Միջադեպը բացարձակապես կապ չունի հանրային տրանսպորտի վարորդի կամ վճարման համակարգի հետ