Իրանը չի ընդունում թելադրանքներ, բայց պատրաստ է բանակցել ԱՄՆ-ի հետ․ Արաղչի

Իրանը չի ընդունում թելադրանքներ և կբանակցի միայն փոխադարձ հարգանքի հիման վրա, հայտարարել է Իրանի արտաքին գործերի նախարար Աբբաս Արաղչին։

«Ինչպես ես բազմիցս նշել եմ, մենք պատրաստ ենք բանակցել։ Բանակցությունները պետք է լինեն ազնիվ և լուրջ, հիմնված հավասարության և փոխադարձ հարգանքի վրա, այլ ոչ թե թելադրանքների»,- ասել է նա Թեհրանում օտարերկրյա դիվանագիտական ​​առաքելությունների ղեկավարների հետ հանդիպման ժամանակ։ Հանդիպումը հեռարձակվել է Իրանի պետական ​​հեռուստատեսությամբ։

CNN-ի հաղորդմամբ՝ ԱՄՆ-ի նախագահ Դոնալդ Թրամփը հունվարի 13-ին խորհրդակցություն կանցկացնի Ազգային անվտանգության խորհրդի անդամների հետ՝ Իրանի նկատմամբ հետագա գործողությունները քննարկելու համար:

Նախորդ օրը Թրամփն Իրանում տեղի ունեցող բողոքի ցույցերի ֆոնին հայտարարել է, որ պատրաստ է աջակցություն ցուցաբերել իրանցի ժողովրդին։ «Իրանը ձգտում է ազատության, հնարավոր է, ինչպես երբեք նախկինում։ ԱՄՆ-ը պատրաստ է օգնել»,- գրել էր նա TruthSocial սոցցանցում։

Այս թեմայով Արդյո՞ք ԱՄՆ նախագահը վստահ է, որ ցանկանում է հետ շրջել ժամանակի անիվը․ Արաղչի Արաղչին առաջարկել է տարածաշրջանից հեռացնել ամերիկյան զորքերը Իրանի ԱԳ նախարարը շնորհակալություն է հայտնում հարևաններին Իրանը վերանայում է ԱՄՆ-ի hրադադարի ծրագիրը, սակայն մտադիր չէ բանակցություններ վարել hակամարտությունը մեղմելու համար. Արաղչի Իրանը երբեք չի ցանկացել ունենալ միջուկային զենք. Արաղչի