Մենք պետք է Գրենլանդիան պաշտպանենք Ռուսաստանից ու Չինաստանից. Թրամփ
ԱՄՆ նախագահ Դոնալդ Թրամփը հայտարարել է, որ Միացյալ Նահանգները պետք է տիրապետի Գրենլանդիային, որպեսզի Ռուսաստանը կամ Չինաստանն այն չգրավեն։ Նա հավելել է, որ Վաշինգտոնը կարող է դրան հասնել «հեշտ» կամ «դժվար ճանապարհով»։
Վերջերս Սպիտակ տունը հայտարարել է, որ ամերիկյան վարչակազմը քննարկում է ՆԱՏՕ-ի անդամ Դանիային պատկանող ինքնավար տարածքի հանդեպ վերահսկողություն հաստատելու մի քանի միջոց։ Վաշինգտոնը քննարկում է կղզին գնելու հնարավորությունը, բայց նաև չի բացառում դրա բռնակցումը ուժի կիրառմամբ:
Դանիան և Գրենլանդիան հայտարարել են, որ տարածքը չի վաճառվում։ Կոպենհագենը պնդել է, որ Դանիայի դեմ ԱՄՆ-ի ռազմական գործողությունը կնշանակի Հյուսիսատլանտյան դաշինքի վերջը:
Հյուսիսային Ատլանտիկայի անվտանգության հարցերը պետք է քննարկվեն ՆԱՏՕ-ի շրջանակներում։ Այդ հայտարարությունն արել է Գերմանիայի արտգործնախարար Յոհան Վադեֆուլը։
«Եթե ԱՄՆ նախագահը դիտարկում է այդ տարածաշրջանին՝ ռուսական կամ չինական նավերից կամ սուզանավերից բխող սպառնալիքները, մենք անշուշտ կարող ենք միասին գտնել դրանց պատասխանը»,- գերմանական դիվանագիտության ղեկավարի խոսքն է մեջբերում Reuters գործակալությունը:
Վադեֆուլը կրկին նշել է, որ Գրենլանդիայի ապագան պետք է որոշի նրա ժողովուրդը, ինչպես նաև ընդգծել Բեռլինի համերաշխությունը Դանիային, որի ինքնավար տարածքն է Գրենլանդիան։
ՀՀ տարածքում Ադրբեջանի ԶՈՒ դիրք չի կառուցվել. ՊՆ մամուլի խոսնակ
Ցիկլոնի ներթափանցմամբ պայմանավորված տեղումներ, բուք կլինեն
Դադարեցրել եմ անդամակցությունս «Քաղաքացիական պայմանագիր» կուսակցությանը․ Վլադիմիր Վարդանյան
Ինչո՞ւ է աղմկում Երևանը
Մասնագիտական ուսուցումը կարող է ավելի գրավիչ դառնալ
Ինչո՞ւ չունենք կանաչ Երևան
Անչափահասների կողմից կատարված հանցագործություններ. 2025 թվական
«Հայաստանի էլեկտրական ցանցեր» ընկերությունը հաղորդագրություն է տարածել
Տղամարդն Իրանից Հայասատան է տեղափոխել 22 կգ թմրամիջոցով պարկ
Կոռուպցիոն գործերով 2025 թվականին վերականգնված գումարի չափը շուրջ 4 անգամ գերազանցել է 2024 թվականի ...