Կիմ Չեն Ընը կոչ է արել 2026թ․ ավելացնել զինամթերքների արտադրությունը
Հյուսիսային Կորեայի նախագահ Կիմ Չեն Ընը ընդգծել է 2026թ․ զինամթերքի եւ հրթիռների արտադրության պլանների ավելացման անհրաժեշտության մասին, հաղորդել է Կորեայի կենտրոնական հեռագրական գործակալությունը:
Կիմ Չեն Ընն այցելել է պաշտպանական արդյունաբերության օբյեկտներ, ծանոթացել հրթիռների եւ արկերի արտադրության ընթացքին 2025թ․ չորրորդ եռամսյակում: Հյուսիսային Կորեայի առաջնորդը նշել է, որ առաջատար ձեռնարկությունները հաջողությամբ կատարել են 2025թ․՝ հնգամյա պլանի վերջին տարվա արտադրական պլանը՝ նպաստելով երկրի պաշտպանունակության ամրապնդմանը:
«Ընկեր Կիմ Չեն Ընը նշել է 2026թ․ արտադրության պլանի ավելացման անհրաժեշտությունը՝ հիմնվելով զարգացման հեռանկարների, համապատասխան պետական զինված ուժերի հրթիռային եւ հրետանային ստորաբաժանումների ապագա պահանջարկի վրա»,- հաղորդել է գործակալությունը: Դրա համար անհրաժեշտ է «կապակցված արտադրական օբյեկտների տեխնիկական բազայի ամրապնդում եւ ընդհանուր արտադրական հզորությունների ընդլայնում»: Հյուսիսային Կորեայի առաջնորդը նշել է, որ ռազմարդյունաբերական ոլորտում պետք է ստեղծվեն նոր ձեռնարկություններ՝ զինամթերքի ապագա պահանջարկը բավարարելու համար. դրանց վերաբերյալ որոշումը կկայացվի կուսակցության առաջիկա համագումարում: Հյուսիսային Կորեայի իշխանությունները պետք է շարունակեն նաեւ ռազմարդյունաբերական համալիրի արդիականացումը:
«Ընկեր Կիմ Չեն Ընն ասել է, որ հրթիռների եւ արկերի արտադրությունը չափազանց կարեւոր է զսպման ամրապնդման գործում»,- հաղորդել է գործակալությունը։ Ճյուղի արտադրության եւ արդիականացման նոր ծրագրերը կընդունվեն կուսակցության IX համագումարում: «Այս օրը ընկեր Կիմ Չեն Ընը ստորագրել է առաջատար ռազմարդյունաբերական ձեռնարկությունների արդիականացման նախագծեր, որոնք կներկայացվեն կուսակցության IX համագումարի քննարկմանը»,- հաղորդել է գործակալությունը:
«Զինապահ» հիմնադրամը 2025 թվականի ավարտի դրությամբ հատուցումներ է տրամադրել 5 հազար 510 շահառուի
Ռուբեն Վարդանյանի կինը մտադիր է կազմակերպել կանանց միջազգային մարդասիրական պատվիրակության այց Բաքու
Սուրեն Պապիկյանը Փարիզում մասնակցել է «Eurosatory 2026» միջազգային ցուցահանդեսի բացման պաշտոնական ար...
Արդեն մոտ 2 ժամ է՝ փրկարարները, ոստիկաններն ու քաղաքացիների Փամբակ գետում որոնում են մոտ 15-ամյա աղջ...
Ուկրաինայի նախագահն ու Մոսկվայի քաղաքապետը հաստատել են Կապոտնյայի նավթավերամշակման գործարանի հարվածը
Կապանում դեղնավուն անձրևաջրերի հոսքի դեպքով վարույթ է հարուցվել․ ԲԸՏՄ
Հակակոռուպցիոն կոմիտեի նախագահը միջնորդություն է ներկայացրել նախարարություն
Հաքան Ֆիդանը Մոսկվայում կքննարկի Ուկրաինայի, Սև ծովի և Հարավային Կովկասի հետ կապված հարցեր
Գերմանիայի աշխատաշուկան՝ կադրերի դեֆիցիտի առաջ
Քաղաքացին պետք է առնվազն 6 ամիս բնակված լինի Հայաստանում. Կոնջորյանը մանրամասնել է՝ ինչ է նախատեսվու...