22-ամյա վրացուհին փորձել է ճամպրուկի մեջ թաքնված հատել վրաց-թուրքական սահմանը

Վրաստանի քաղաքացուհին, որի մուտքն արգելել էին Թուրքիա, փորձել է սահմանը հատել ապօրինի ճանապարհով՝ ճամպրուկում թաքնված։ Ինչպես գրում է Hurriyet Daily News-ը՝ նրան հայտնաբերել են սահմանապահ ծառայության աշխատակիցները։

«Սարպի» հսկիչ-անցագրային կետում սահմանապահները կանգնեցրել են մի կնոջ, որը փորձել է մեծ ճամպրուկ բռնած ոտքով հատել սահմանը։ Սահմանապահները բացել են ճամպրուկն ու այնտեղ հայտնաբերել Վրաստանի 22-ամյա քաղաքացուհու։

Երկու կանանց փոխանցել են տեղի իշխանություններին։

Նմանատիպ դեպք տեղի էր ունեցել 2017-ի փետրվարին, երբ Վրաստանի քաղաքացին նույն անցակետով փորձել էր ճամպրուկով անցկացնել 28-ամյա կնոջ։