Ծիծաղելի է ասել, որ Ադրբեջանը ժողովրդավար է. ABC Ավստրալիա (տեսանյութ)

ABC Ավստրալիա հեռուստաալիքի Media Watch վերլուծական հաղորդման եթերում անդրադարձ է եղել Ադրբեջանին` հեգնելով Բաքվի ժողովրդավարության վերաբերյալ The West Australian պարբերականի հրապարակումը, որում նշվում է, թե Ադրբեջանը ձգտում է ժողովրդավար ապագայի:

Հաղորդավար Փոլ Բերրին սարկազմով է խոսել Ադրբեջանի իշխանությունների մասին. «Ծիծաղելի է ասել, որ Ադրբեջանը ժողովրդավարությունն ընդլայնող երկրի է: Ամենատարօրինակն այստեղ այն է, որ Ադրբեջանի նախագահ Իլհամ Ալիեւը այնքան պոպուլյար է, որ 2013-ին երրորդ ժամկետով նախագահ է ընտրվել՝ ընտրությունների սկսվելուց առաջ»:

Հեռուստաալիքը պատմել է նաեւ Ադրբեջանում ընդդիմադիրների ձերբակալությունների, լրագրողների, քաղաքացիական ակտիվիստների հետապնդումների, դիկտատուրայի եւ Ալիեւների ձեռքում ամբողջ իշխանության կենտրոնացման մասին:

Ուշադրության կենտրոնում են հայտնվել նաեւ միջազգային մասշտաբով կոռուպցիոն սկանդալները, որոնցում նաեւ Բաքվի չինովնիկների անուններն են շրջանառվում:

Նշվում է նաեւ, որ The West Australian պարբերականն Ադրբեջանին գովերգող հոդված է գրել Արեւմտյան Ավստրալիա նահանգում Ադրբեջանի հյուպատոսության ջանքերով: