Թուրքիայի զինուժը փորձարկել է թուրքական արտադրության նոր հրետանին

Թուրքիայի զինուժը փորձարկել է թուրքական արտադրության նոր հրետանին

Թուրքական ռազմարդյունաբերական «ASELSAN» ընկերությունը երկրի զինված ուժերին է հանձնել սեփական արտադրության ավտոմատացված «ALKAR» տեսակի հրետանիները:

Թուրքական «Anadolu» լրատվական գործակալության համաձայն՝ նշյալ հրետանիները արդեն փորձարկվել են երկրի զինված ուժերի կողմից:
Այս հրետանիները կարողանում են պտտվել 360 աստիճան: Շնորհիվ հատուկ համակարգի՝ հրետանու հետհրումը հասցված է նվազագույնի, ինչը թույլ է տալիս դրանք տեղադրել զանազան տրանսպորտային միջոցների վրա: Դրանք կարող են օգտագործվել ցանկացած եղանակային պայմաններում և աշխարհագրական դիրքում:

Հիշեցնենք, որ 1975թ. ստեղծված ASELSAN-ը համարվում է Թուրքիայի խոշորագույն ռազմարդյունաբերական ընկերությունը, որը մասնագիտացված է ռազմական նշանակության էլեկտրոնային սարքավորումների արտադրության մեջ:1983-ին սկսել է իր արտադրանքի առաջին արտահանումը:
Աղբյուր` Ermenihaber.am