Հայրերի և ընկերների հետ կոնֆլիկտները արագացնում են ծերացումը. Journal of Health Psychology

Ուսումնասիրությունը, որի արդյունքները հրապարակվել են Journal of Health Psychology հանդեսում, պարզել է, որ դեռահասության շրջանում հայրերի և ընկերների հետ կոնֆլիկտները կապված են 30 տարեկանում կենսաբանական ծերացման արագացման հետ: Վիրջինիայի համալսարանի հետազոտողները 17 տարի շարունակ հետևել են 123 երիտասարդի՝ 13 տարեկանից մինչև չափահասություն:

Կապը միանման է գործել և՛ տղաների, և՛ աղջիկների համար, նշում են հեղինակներ:

Հետազոտողները զգուշացնում են. եթե դեռահասը մշտապես թշնամանք կամ լարված հարաբերություններ է ունենում սիրելիների հետ, դա պետք է դիտարկել ոչ միայն որպես սոցիալական խնդիր, այլև որպես կարևոր առողջապահական նախազգուշացման նշան, քանի որ այդ հարաբերությունները տարիներ անց կարող են ազդել օրգանիզմի առողջության վրա: