83 տարի տևած սեր. ինչպես Մայամիի զույգը դարձավ աշխարհում ամենաերկարակյացը

Մայամիի մի զույգ վերջերս արժանացել է աշխարհի ամենաերկարակյաց ամուսնական զույգի կոչմանը: 107-ամյա Էլեոնորան և 108-ամյա Լայլ Գիտենսը, նշելով իրենց ամուսնության 83-ամյակը, խոստովանել են, որ իրենց երկար և երջանիկ ամուսնության գաղտնիքը պարզ է. նրանք պարզապես սիրում են միմյանց, ըստ The Guardian-ի:

Զույգի ամուսնությունը հաստատել է LongeviQuest կայքը, որը հետևում է 100 և բարձր տարիքի մարդկանց: Կազմակերպությունը ստուգել է նրանց 1942 թվականի ամուսնության վկայականը, ԱՄՆ մարդահամարի տվյալները և այլ փաստաթղթեր:

Գիտենսները այս կոչումը ստացել են բրազիլացի զույգի՝ 106-ամյա Մանուել Անգելիմ Դինոյի և նրա 102-ամյա կնոջ՝ Մարիա դե Սոուզա Դինոյի մահից հետո, որոնք համարվում էին ամենաերկարակյաց զույգը 85 տարվա ամուսնությունից հետո:

Էլեոնորի և Լայլի պատմությունը հատկապես հուզիչ է. նրանք վերապրել են պատերազմ և բազմաթիվ դժվարություններ: Զույգն առաջին անգամ հանդիպել է 1941 թվականին քոլեջի բասկետբոլի խաղի ժամանակ. Լայլը խաղում էր Քլարկ Ատլանտայի համալսարանի թիմում, իսկ Էլեոնորը՝ որպես հանդիսատես էր։ Նրանք ամուսնացել են 1942 թվականի հունիսի 4-ին, երբ Լայլը երեքօրյա արձակուրդ է ստացել Ջորջիայում անցկացվող բանակային պատրաստությունից։ Երբ Լայլը ծառայում էր Իտալիայում՝ ԱՄՆ բանակի 92-րդ հետևակային դիվիզիայում, Էլեոնորան անհանգստանում էր, թե արդյոք երբևէ կրկին կտեսնի իր ամուսնուն կենդանի։

Պատերազմից հետո Գիտենսները հաստատվել են Նյու Յորքում, միասին հանձնել քաղաքացիական ծառայության քննությունները, գտել աշխատանք և ճանապարհորդել, այդ թվում՝ Էլեոնորի սիրելի վայրը՝ Գվադելուպա։ Էլեոնորը քաղաքային կրթության դոկտորի կոչում ստացել է Ֆորդհեմի համալսարանումց 69 տարեկանում։ Զույգը ակտիվորեն ներգրավված էր Քլարկ Ատլանտայի համալսարանի շրջանավարտների ասոցիացիայում, նախքան Մայամի տեղափոխվելը՝ իրենց դստեր՝ Անժելայի մոտ լինելու համար։

Լայլն ասում է, որ գնահատում է Էլեոնորի հետ անցկացրած յուրաքանչյուր պահը և ուրախ է նրա կողքին լինել։ Զույգը վայելում է իրենց համատեղ կյանքը և շնորհակալ է կիսած բոլոր պահերի համար։