Առեւտուր չկար, էդ որոշումից հետո ընդհանրապես չի լինելու. առեւտրականներին զայրացրել է ՊԵԿ որոշումը
Երեւանի Մալաթիայի գյուղմթերքի շուկայի առեւտրականներին զայրացրել է որոշումը, ըստ որի ՊԵԿ-ն արգելել է 5 կիլոգրամից ավելի մանդարին ու ցիտրուսային այլ մրգեր առանց մաքսազերծելու ներկրել Հայաստան. «Առեւտուր չկար, էդ որոշումն էլ ավելի վատ իրավիճակի մեջ դրեց մեզ: Վերավաճառում ենք հիմնականում, բայց թանկ ենք վերցնում, եթե մանդարինն առաջ 100 կամ 150 կիլոգրամով էինք վերցնում, հիմա 280-ով ենք վերցնում ու պարզ է, որ թանկ էլ պիտի վաճառենք, թանկ էլ վաճառում ենք՝ գնորդ չկա, ու՞մ ա դա ձեռ տալիս: Ներկրողն էդքան փող ա տալիս տամոժնիում, մեզ հո ձրի չի տալու՞»,- NEWS.am-ի հետ զրույցում դժգոհեցին առեւտրականները:
Շուկայի աշխատակիցների խոսքով՝ մի ամբողջ օր անցկացնում են շուկայում, բայց հազիվ են կարողանում մեկ կիլոգրամ միրգ կամ բանջարեղեն վաճառել. ստեղծված իրավիճակը առեւտրականները կապում են նաեւ երկրում աշխատատեղերի բացակայության, աղքատության եւ արտագաղթի հետ:
«Ո՞վ է երկրում մնացել, որ մի հատ էլ առեւտուր լինի: Ամբողջ օրվա ընթացքում մի կիլոգրամ միրգ հազիվ ենք կարողանում վաճառել: Մի կտոր տարածքի համար 1000 դրամ հարկ ենք մուծում, բայց դրա գումարն էլ չենք կարողանում հանել ու էս վիճակը տարեց տարի ավելի է վատանում»,-ասում են առեւտրականները:
Նշենք, որ մանդարինի եւ մյուս ցիտրուսային մրգերի ներմուծման հարցում սահմանափակումը լուրջ խնդիրներ է առաջացրել՝ Վրաստանի հետ առեւտուրը դարձնելով պակաս եկամտաբեր:
Խնդիրն այն է, որ նախկինում մարդիկ կարողանում էին ազատ կերպով մինչեւ 50 կգ մանդարին եւ այլ մրգեր ներմուծել Հայաստան:
Այս առնչությամբ ՊԵԿ-ի պարզաբանման մեջ նշվում է, որ նախկինի պես միրգ-բանջարեղեն ներմուծելիս մինչեւ 50 կգ-ը չի մաքսազերծվում, բայց փոխարենը, եթե այն ավելի է 5 կգ-ից, ապա պահանջվում է բուսասանիտարական հավաստագիր, որը մարդիկ չեն կարողանում ներկայացնել:
«Համաձայն 2017 թվականի հուլիսի 1-ից ուժի մեջ մտած Եվրասիական տնտեսական հանձնաժողովի 2016 թվականի նոյեմբերի 30-ի N 157 որոշման, բանջարեղենի եւ մրգերի միայն մինչեւ 5կգ-ի Հայաստանի Հանրապետություն (ԵԱՏՄ) տարածք ներմուծումը կարող է թույլատրվել առանց համապատասխան պետական լիազոր մարմնի կողմից տրամադրված բուսասանիտարական հավաստագրի: Այսինքն, ֆիզիկական անձանց կողմից 5կգ-ից ավելի (մինչեւ 50 կգ) մրգերի, բանջարեղենի ներմուծումը ՀՀ տարածք կարող է թույլատրվել բացառապես բուսասանիտարական հավաստագրի առկայության եւ դրա` մաքսային մարմիններին ներկայացման դեպքում, լրացնելով միայն ուղեւորային հայտարարագիր»,-ասված է ՊԵԿ-ի հաղորդագրությանմեջ:
Լուրեր Հայաստանից - NEWS.am
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Տնային պայմաններում խնամքի ծառայություններ՝ տարեց կամ հաշմանդամություն ունեցող անձանց․ ուր դիմել
Ստեփանծմինդա-Լարս ավտոճանապարհը փակ է
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...