Թրամփը սկսել է իր ասիական շրջագայությունը
ԱՄՆ նախագահ Դոնալդ Թրամփը կիրակի օրը սկսել է իր շրջայցը Հարավարևելյան Ասիա. պաշտոնի վերադառնալուց հետո սա նրա առաջին այցն է մայրցամաք՝ եռօրյա շրջագայություն Մալայզիա, Ճապոնիա և Հարավային Կորեա, որի գագաթնակետը, ինչպես սպասվում է, կլինի Չինաստանի նախագահ Սի Ծինփինի հետ հանդիպումը, հայտնում է NBC News-ը։
Կուալա Լումպուրում Թրամփը նախատեսում է հանդիպել Մալայզիայի վարչապետ Անվար Իբրահիմի հետ, որից հետո կմասնակցի Հարավարևելյան Ասիայի պետությունների ասոցիացիայի ղեկավարների աշխատանքային ընթրիքին։ Մալայզիան, որն այս տարի նախագահում է ԱՍԵԱՆ-ում, գագաթնաժողովի թեմա է սահմանել «ներառականությունն ու կայուն զարգացումը»։
Սպիտակ տունը հայտնել է, որ Թրամփը կմասնակցի նաև Կամբոջայի և Թաիլանդի միջև խաղաղության համաձայնագրի ստորագրման արարողությանը, որոնց արյունալի սահմանային հակամարտության լուծմանը, նրա վկայությամբ, ինքը մասնակցել է։
Իր առաջին նախագահական ժամկետի ընթացքում Թրամփը միայն մեկ անգամ է մասնակցել ԱՍԵԱՆ-ի ամենամյա գագաթնաժողովը։ Կուալա Լումպուրի գագաթնաժողովի և Ասիա-խաղաղօվկիանոսյան տնտեսական համագործակցության վերաբերյալ Հարավային Կորեայի համաժողովի միջև ընկած ժամանակահատվածում Թրամփը կկատարի իր չորրորդ պաշտոնական այցը Ճապոնիա՝ բանակցելու նոր վարչապետ Սանաե Տակաիչիի հետ և կարժանանա Ճապոնիայի կայսր Նարուհիտոյի ընդունելությանը։
Տակաիչին՝ հանգուցյալ Սինձո Աբեի սանը, խոստացել է մինչև մարտ ամիսը պաշտպանական ծախսերը հասցնել ՀՆԱ-ի 2%-ի։ Նա նաև առաջ է քաշել ԱՄՆ-ի և Ճապոնիայի միջև առևտրային համաձայնագիրը վերանայելու գաղափարը, որը հայտարարվել էր հուլիսին։
Թրամփը և Աբեն սերտ անձնական հարաբերություններ էին հաստատել նրա առաջին նախագահական ժամկետի ընթացքում՝ մինչև 2022 թվականին Աբեի սպանությունը։ Թրամփը կհանդիպի նաև բիզնես ղեկավարների հետ և կայցելի ամերիկյան զորքերին Ճապոնիայում՝ մի երկրում, որն ավելի շատ ԱՄՆ զինվորականներ է տեղակայել, քան աշխարհի ցանկացած այլ երկիր։
Չորեքշաբթի Հարավային Կորեայում Թրամփը նախատեսում է ելույթ ունենալ բիզնեսի ղեկավարների առջև ԱՏԷՍ-ի գագաթնաժողովում, երկկողմ հանդիպում անցկացնել նախագահի հետ և մասնակցել ղեկավարների ընթրիքին նույն օրվա երեկոյան։
Օրակարգում յուրաքանչյուր կանգառում առևտուրն է, բանակցողները դեռ ճշգրտում են Հարավային Կորեայի և Ճապոնիայի հետ համաձայնագրերի մանրամասները և քայլեր են ձեռնարկում Չինաստանի և Մալայզիայի հետ համաձայնագրերի հասնելու համար։
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Հայաստանն ու Իրանն աշխատում են սահմանին երկրորդ կամրջի նախագծի վրա
Իրանի հարստացված ուրանի պաշարները միջուկային օբյեկտների փլատակներում են
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Արսեն Զախարյանի տրանսֆերային արժեքն աճել է
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Մարմնամարզության տղամարդկանց հավաքականը տուն է վերադառնում
Տնային պայմաններում խնամքի ծառայություններ՝ տարեց կամ հաշմանդամություն ունեցող անձանց․ ուր դիմել
FoodexJapan սննդի և խմիչքների ցուցահանդես. հայկական գինեգործական ընկերությունները միասնական տաղավարո...