«ՀՀ թիվ մեկ էկոպարեկը նոր բնակարան ունի: Շրջակա միջավայրի նախարարության՝ Անտառային կոմիտեի Էկոպարեկային ծառայության նոր պետը հաստատվեց այդ պաշտոնում։«Ժողովուրդ» օրաթերթը պաշտոնական աղբյուրներից պարզեց, որ մինչ 2018 թվականի հեղափոխությունը Վլադիմիր Կիրակոսյանը եղել է մի ՍՊԸ-ի տնօրեն, իսկ հեղափոխությունից հետո՝ նախ «Բնակչության հատուկ սպասարկում» ՀՈԱԿ-ի տնօրենի տեղակալ, ապա «Երեւան ՋԷԿ» ՓԲԸ-ի գլխավոր տնօրենի օգնական, հետո միայն՝ ՇՄՆ Անտառային կոմիտեի նախագահ, այժմ՝ ՇՄՆ Էկոպարեկային ծառայության պետ։Կիրակոսյանը «Քաղաքացիական պայմանագիր» կուսակցության անդամ է, որի պաշտոնական կենսագրությունը, ինչպես մյուսներինը, սկսվում է 2018-ից:
2022 թվականի հուլիսի 15-ին նա ընտրվել է «Քաղաքացիական պայմանագիր» կուսակցության՝ Էրեբունի վարչական շրջանի խորհրդի նախագահ, 2024 թվականի դեկտեմբերի 11-ին վերընտրվել է խորհրդի նախագահի պաշտոնում:Համաձայն 2024 հայտարարագրի՝ Վլադիմիր Կիրակոսյանը հանդիսանում է նաեւ Երեւանի ավագանու «Քաղաքացիական պայմանագիր» խմբակցության անդամ։«Ժողովուրդ» օրաթերթը պարզեց, որ Կիրակոսյանը բնակարան ձեռք է բերել միայն 2022 թվականին, սակայն ոչ թե գնել, այլ ժառանգություն է ստացել։Կիրակոսյանը 2023 թվականին գնել է MERCEDES-BENZ մակնիշի մեքենա 19,6 մլն դրամ արժեքով, իսկ 2021 թվականին ձեռք բերած TOYOTA մակնիշի մեքենան վաճառել է 10,6 մլն դրամով։
ՔՊ-ական Էկոպարեկի բանկային ավանդները կազմել են 5 մլն դրամ, բանկային հաշիվների մնացորդները՝ 48 հազար դրամ, կանխիկ դրամական միջոցները կազմել են 450 ռուբլի, 7 հազար դոլար, 26 մլն դրամ։
Կիրակոսյանի հաշվետու տարվա եկամուտները կազմել են 41 մլն 357 հազար դրամ, որից 14 մլն 720 հազար դրամն աշխատանքի վարձատրություն է Էկոպարեկային ծառայությունից, 354 հազար դրամը «այլ եկամուտ» է ֆինանսների նախարարությունից։ Եկամտից 380 հազար դրամը «տրված փոխառությունների դիմաց ստացված տոկոսը եւ այլ հատուցում»-ն է, իսկ 25 մլն 902 հազար դրամը վարկ է։Կիրակոսյանի ստացած վարկերի եւ փոխառությունների մայր գումարի մնացորդը հաշվետու տարվա դեկտեմբերի 31-ի դրությամբ կազմել է 32 մլն 503 հազար դրամ, որից 25 մլն 548 հազար դրամը հողամասի վրա կառուցվող բնակարանի հիփոթեքի մայր գումարի մնացորդն է։Մի խոսքով՝ ՔՊ-ական դառնալուց հետո Կիրակոսյանը տան ու մեքենաների տեր է դարձել»։
Մանրամասները՝ «Ժողովուրդ» օրաթերթի այսօրվա համարում:
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
Մակրոնը և Սթարմերը Ուկրաինայի հարցով հանդիպում են հրավիրել
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Վահագն Խաչատուրյանը և Նիկոլ Փաշինյանը պարգևատրվել են Ֆրանսիայի Պատվո լեգեոն-Մեծ խաչ շքանշանով, Մակրո...
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
Ջերմուկում հայտնաբերված կարմիրգրքյան գորշ արջի քոթոթները տեղափոխվել են ապաստարան․ ԲԸՏՄ
ԱՄՆ-ի գործողությունները Հորմուզի նեղուցում փակուղի են. Արաղչի