Ռոնալդուի դստեր լուսանկարն անտարբեր չի թողել Instagram-ի օգտատերերին (լուսանկար)

Պորտուգալացի ֆուտբոլիստ Կրիշտիանու Ռոնալդուն Instagram-ի իր էջում հրապարակել է հունիսին ծնված զույգ երեխաներից մեկի՝ Էվա անունով դստեր լուսանկարը:

Հմայիչ փոքրիկի մասնակցությամբ ուշագրավ կադրը 14 ժամում հավաքել է մոտ 4.5 մլն «հավանում»:

Հիշեցնենք, որ զույգ երեխաները լույս աշխարհ են եկել փոխնակ մոր միջոցով: Ընդհանուր առմամբ, 32-ամյա միլիոնատեր մարզիկն ունի 4 երեխա, որից միայն մեկի մոր ինքնությունն է հայտնի: Աստղի առաջին 3 երեխաները ծնվել են փոխնակ մայրերի օգնությամբ:

Ռոնալդուի ընկերուհին՝ 23-ամյա մոդել Ջորջինա Ռոդրիգեսը, երկու շաբաթ առաջ ծննդաբերել է իր ու ֆուտբոլիստի առաջին համատեղ երեխային՝ Ալանա Մարտինա անունով աղջկան:

Ավելի վաղ տված հարցազրույցներում Ռոնալդուն խոստովանել էր, որ ինքն ընտանիքի մարդ է ու իրեն ամենաերջանիկն է զգում, երբ շրջապատված է հարազատներով ու երեխաներով: Նա նաև նշել էր, որ երազում է 7 երեխա ունենալ: