Տնտեսվարողները պետության կողմից կատարվող որոշակի ծախսերը պետք է վերադարձնեն պետբյուջե. նախագիծ
Հանրապետությունից արտահանվում են խոշոր և մանր եղջերավոր կենդանիներ, մասնավորապես՝ ընթացիկ տարվա ընթացքում ծնված հորթերը և գառները։ Վերջիններս հանրապետությունում պահվում են մինչև 3 ամիս, իսկ պետության կողմից ֆինանսական ծախսերը ներառում են անասնաբույժի վճար և ականջապիտակների գումար։ Ստացվում է, որ արտահանվող կենդանիները չեն պահվում հանրապետությունում հետագա բուծման նպատակով, հետևաբար և առաջարկվում է արտահանվող կենդանիների վրա պետության կողմից կատարվող ծախսերը հետ վերադարձվեն պետական բյուջե։
Նախագծով առաջարկվում է ծրագրում կատարել համապատասխան լրացումներ՝ խոշոր և մանր եղջերավոր կենդանիների արտահանման դեպքում, մինչև առողջության կամ անասնաբուժական սերտիֆիկատները կամ համապատասխանության տեղեկանքի տրամադրումը արտահանմամբ զբաղվող ֆիզիկական, իրավաբանական անձինք և անհատ ձեռնարկատերերը պարտավոր են ծրագրի իրականացման համար նախատեսված ծախսերը՝ ականջապիտակների միավորի գինը վերադարձնել պետական բյուջե։
Նախագծով առաջարկվում է նաև իրավաբանական անձանց և անհատ ձեռնարկատերերին պատկանող տնտեսություններում բուծվող խոշոր և մանր եղջերավոր կենդանիների ականջապիտակի նույնականացման անհատական համարի ամրացումն իրականացնել վճարովի սկզբունքով՝ ականջապիտակների միավորի գինը վերադարձնելով պետական բյուջե։
Նշվում է, որ 2025 թվականին խոշոր եղջերավոր կենդանիների ականջապիտակների մեկ զույգի միավոր արժեքը կազմել է 115,2 դրամ, իսկ խոշոր եղջերավոր կենդանիների ականջապիտակներինը՝ 166,3 դրամ։
Նախատեսվող լրացումները նախատեսվում է կիրարկել 2027 թվականի հունվարի 1-ից։
Նախարարությունը հիշեցնում է, որ ծրագիրը մեկնարկել է 2022 թվականի նոյեմբերին, որի շրջանակներում իրականացվում էր միայն խոշոր եղջերավոր կենդանիների համարկալում և հաշվառում։ Կենդանու վերաբերյալ տեղեկությունը (անասնատեր, կենդանու նույնականացման անհատական համար, հաշվառման վայր, անասնաբուժական միջոցառումներ, տեղաշարժ և այլն) մուտքագրվում է «ԱՆԻ ՊԱՍ» էլեկտրոնային տեղեկատվական համակարգ։ Ծրագիրը յուրաքանչյուր տարի ֆինանսավորվում է պետական միջոցների հաշվին՝ անասնաբույժի վճար, անասնաբուժական պարագաների, «ԱՆԻ ՊԱՍ» էլեկտրոնային տեղեկատվական համակարգի տեխնիկատեղեկատվական սպասարկման ծառայության ձեռքբերում։ 2025 թվականին մեկնարկել է նաև մանր եղջերավոր կենդանիների համարակալման և հաշվառման գործընթացը, որը նույնպես իրականացվում է պետական միջոցների հաշվին։
Մանրամասները՝ «Փաստ» օրաթերթի այսօրվա համարում:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Հայաստանն ու Իրանն աշխատում են սահմանին երկրորդ կամրջի նախագծի վրա
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Երևանում և մարզերում կլինեն էլեկտրաէներգիայի ընդհատումներ
Մարմնամարզության տղամարդկանց հավաքականը տուն է վերադառնում
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...