Սոբչակի ռոստովյան շտաբում խուզարկություն է իրականացվել

Դոնի Ռոստովում ՌԴ նախագահական ընտրություններին մասնակցելու մտադրության մասին հայտարարած Քսենիա Սոբչակի շտաբ է ժամանել ոստիկան՝ շան հետ: Այդ մասին հայտնում է «Դոժդ» լրատվամիջոցը՝ վկայակոչելով շտաբի համակարգող Անաստասիա Շևչենկոյին:

Նրա խոսքով՝ ոստիկանությունը հայտնել է, որ իրենք տեղեկություն ունեն, որ այդտեղ զանգվածային միջոցառում է անցկացվելու, խուզարկություն են անցկացրել, զենք ու զինամթերք փնտրել:

Շևչենկոն նշել է, որ ոստիկանության աշխատակիցը ոչինչ չի գտել և հեռացել է: Նա հավելել է, որ ավելի ուշ շտաբ կժամանեն ոստիկանության մյուս աշխատակիցները:

Սոբչակը նոյեմբերի 29-ին պատրաստվում է ժամանել Դոնի Ռոստով՝ այնտեղ իր նախընտրական շտաբը բացելու համար: Նա պատրաստվում է նաև հանդիպումներ ունենալ կամավորների և աջակիցների հետ:

Հիշեցնենք, որ Սոբչակը հայտարարել էր Ռուսաստանի նախագահական ընտրություններին մասնակցելու որոշման մասին հոկտեմբերի 18-ին: Ավելի ուշ հայտնի է դարձել, որ նա առաջադրվելու է «Քաղաքացիական նախաձեռնություն» կուսակցությունից:

Այս թեմայով Սոբչակը լուսանկար է հրապարակել բելառուսական ընդդիմության առաջնորդի ամուսնու հետ Քսենիա Սոբչակը կարանտինում դադարել է իրեն հետեւել եւ խնամել Վերջապես եկավ իմ ժամանակը. Սոբչակի հեգնական գրառումը Սոբչակը հետեւորդներին շնորհավորել է թոփլես ու փակել Գլյուկոզայի կուրծքը «Վնուկովոյում» Քսենիա Սոբչակին իջեցրել են Մոսկվա-Սանկտ Պետերբուրգ չվերթի օդանավից (տեսանյութ)