Իսրայելի պաշտպանության բանակը hարվածել է Իրանի 2 միջուկային օբյեկտների
Առաջին հարվածը հասցվել է երկրի կենտրոնական մասում գտնվող Արաք քաղաքի թիրախներին։ Այնտեղ կա միջուկային համալիր, այդ թվում՝ ծանր ջրի գործարան։ Իսրայելը պնդում է, որ հարձակվել է չգործող միջուկային ռեակտորի վրա։
«Իսրայելի ռազմաօդային ուժերը այսօր առավոտյան ռմբակոծել են «Արաք» ծանր ջրի ռեակտորը, այդ թվում՝ ռեակտորի պաշտպանիչ կառուցվածքը, որը պլուտոնիումի արտադրության հիմնական բաղադրիչն է», - ասվում է Իսրայելի Պաշտպանության բանակի հայտարարության մեջ:
Հարձակման է ենթարկվել նաև Խոնդաբայի ծանր ջրի ռեակտորի տարածքը։ IRIB-ի տվյալներով՝ դրա վրա ընկել է երկու հրթիռ, ևս մի քանիսը խփվել են ՀՕՊ համակարգերի կողմից։ Կառույցը նախապես տարհանվել է, արտահոսքի սպառնալիք չկա։
Իսրայելի պաշտպանության բանակը նաև հայտարարել է, որ հարված է հասցրել Նաթանզի օբյեկտին, որտեղ ենթադրաբար միջուկային զենք է մշակվել։ Իրանի Ատոմային էներգիայի կազմակերպությունը հաստատել է հարվածների մասին լուրերը և տեղեկացրել Ատոմային էներգիայի միջազգային գործակալությանը։
Իրանը կպահպանի հրադադարը, եթե Իսրայելը չխախտի այն. Փեզեշքիան
Իրանի ՀՕՊ-ը Ռեշտ քաղաքի օդային տարածքում ԱԹՍ-ներ է խոցել
Թրամփն Իսրայելին կոչ է արել չխախտել հրադադարը
Իրանական վեց հրթիռ հարվածել են Կատարում տեղակայված ամերիկյան ռազմական բազային
Իսրայելը մտադիր է մոտ ժամանակներս ավարտել Իրանի դեմ ռազմական գործողությունը և այդ մասին ծանուցել է ԱՄՆ-ին