Նախօրեին Հակակոռուպցիոն դատարանում, այսպես կոչված, «Մարտի 1»-ի վերաբացված գործով դատական նիստը հետաձգվեց, և հաջորդ նիստը տեղի կունենա հունիսի 17-ին: Հիշեցնենք, որ Վճռաբեկ դատարանը բեկանել էր ՀՀ երկրորդ նախագահ Ռոբերտ Քոչարյանի և մյուսների նկատմամբ սահմանադրական կարգի տապալման հոդվածը հակասահմանադրական ճանաչելուց հետո Քոչարյանի, Խաչատուրովի, Արմեն Գևորգյանի և Սեյրան Օհանյանի նկատմամբ քրեական հետապնդումը դադարեցնելու և «Մարտի 1-ի» գործը կարճելու որոշումը և գործն ուղարկել առաջին ատյանի դատարան՝ նոր քննության:
Այս ամբողջ պատմության մեջ ուշագրավ է հատկապես դատավորների, այն է՝ որոշողների գործոնը: Ստացվել է այնպես (գուցե և հենց այնպես չի ստացվել), որ նրանցից առնվազն երկուսն ուղղակիորեն կապ ունեն Նիկոլ Փաշինյանի ՔՊ կուսակցության հետ: Ի մասնավորի, Երևանի Հակակոռուպցիոն դատարանի նախագահող դատավոր Սարգիս Պետրոսյանի և ՔՊ-ի միջև կապերի մասին բոլորին է հայտնի, չնայած վերջերս նա շատ էր «նեղվել», որ իր մասին գրել էին «նախկին քպական», թեպետ դա պարզ իրողություն է: Դժվար է ասել՝ կոնկրետ ինչից էր դատավորը վատ զգացել՝ ամաչո՞ւմ էր իր անցյալի համար, թե ինչ, բայց խնդիրը նույնիսկ դա չէ:Այստեղ ոչ պակաս կարևոր է, թե ով է ընթացքում վերահսկել այս գործի քննությունը և այն «ճիշտ հունով» տարել Վճռաբեկ դատարանում։ Դրա համար՝ մի փոքր նախապատմություն:Հայտնի է, որ գլխավոր դատախազը բողոք էր ներկայացրել Վերաքննիչ դատարանի որոշման դեմ (վճիռը կայացրել է դատավոր Աննա Դանիբեկյանը), որը Վճռաբեկ դատարանը քննության է առել 2022 թվականի մարտի 18-ին:
2022 թվականի հուլիսի 14-ին Վճռաբեկ դատարանը սույն գործը հանձնում է Հակակոռուպցիոն գործերով պալատի վարույթ: 2024 թվականի հունվարի 19-ին Վճռաբեկ դատարանը դիմում է Սահմանադրական դատարան, որն էլ 2024 թվականի հուլիսի 22-ին կայացնում է հայտնի որոշումը։
Նույն թվականի սեպտեմբերի 12-ին Վճռաբեկ դատարանը որոշում է կայացնում առաջին և վերաքննիչ ատյանների դատարանների վճիռները բեկանելու և գործը Երևանի Հակակոռուպցիոն դատարան նոր քննության ուղարկելու մասին:Վճռաբեկ դատարանում այս գործի քննությանը զուգահեռ տեղի էր ունենում Վճռաբեկ դատարանի Հակակոռուպցիոն պալատի ձևավորումը, որտեղ առանցքային դեր է սկսում խաղալ դատավոր Արթուր Դավթյանը, ով 2022 թվականի ապրիլի 4-ին Վճռաբեկ դատարանի Հակակոռուպցիոն պալատի դատավոր է դառնում, իսկ 2023 թվականի մարտի 3-ին նշանակվում է Վճռաբեկ դատարանի Հակակոռուպցիոն պալատի նախագահ: Իսկ ինչո՞վ է հետաքրքիր Արթուր Դավթյանի անձը նշյալ կոնտեքստում: Պարզվում է՝ նա ևս «նախկին քպական» է:
2018 թվականի սեպտեմբերից մինչև 2019 թվականի հունվար եղել է Երևանի ավագանու «Իմ քայլը» խմբակցության անդամ, իսկ 2019 թվականի հունվարից մինչև 2021 թվականի հուլիս՝ ՀՀ ԱԺ «Իմ քայլը» խմբակցության պատգամավոր։ 2021 թվականի օգոստոսից մինչև 2022 թվականի փետրվար հանդիսացել է ՀՀ ԱԺ «Քաղաքացիական պայմանագիր» խմբակցության պատգամավոր, այնուհետ ընտրվել ՀՀ Վճռաբեկ դատարանի դատավոր։
Այսպիսով, չափազանց հետաքրքիր պատկեր է ստացվում. Վճռաբեկ դատարանում Քոչարյանի և մյուսների գործը եղել է Հակակոռուպցիոն պալատի` գործող իշխանությունների հետ ուղիղ կապ ունեցող նախագահի ուշադրության ներքո (գործով բոլոր առանցքային որոշումները կայացվել են Արթուր Դավթյանի՝ Պալատում հայտնվելուց և հետագայում Պալատի նախագահ նշանակվելուց հետո), ով գործը նոր քննության է ուղարկել առաջին ատյանի դատարան, և այն բոլորովին «պատահաբար» հայտնվել է մեկ այլ դատավորի մոտ, որը նույնպես փոխկապակցված է իշխանական կուսակցության հետ։Պատահական չէ, որ սոցցանցերում կարծիք կա, թե սա գուցե Փաշինյանի վերջին փորձն է՝ Քոչարյանի գործը «ճիշտ հունով» տանելու համար, այլապես հենց ինքը պետք է հագնի դատավորի պատմուճան, որ ամեն ինչ լիարժեք իր սրտի ուզածով ստացվի։
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Մարմնամարզության տղամարդկանց հավաքականը տուն է վերադառնում
Մադելին Շարաֆյանը «Օսկար»-ի մրցանակաբաշխությանը ներկայացել է հայ դիզայների զգեստով
Ղարաբաղից տեղահանվածները պետք է կապեն իրենց ապագան Հայաստանի հետ
Պետական արգելոցի ֆոտոթակարդները կրկին նկարահանել են կովկասյան ընձառյուծին
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...
Արսեն Զախարյանի տրանսֆերային արժեքն աճել է