19-ամյա աղջկա ողնուղեղի խոշոր քաղցկեղային ուռուցքը հեռացրել են ակնակապիճի միջոցով
Լույսով և տեսախցիկով բարակ խողովակը, որը կոչվում է էնդոսկոպ, անցկացվել է 19-ամյա աղջկա ակնակապիճով՝ քաղցկեղային ուռուցքին հասնելու համար։ Դրա համար պահանջվել է բժիշկների թիմ՝ Մերիլենդի համալսարանի բժշկական կենտրոնից Մոհամմեդ Լաբիբի գլխավորությամբ։
«Մենք կտրվածք ենք արել կոնյունկտիվայի վրա և դրա օգնությամբ աչքի տակի կողքից հասել ենք ողնուղեղին, ինչը թույլ է տվել մեզ ուղղակիորեն ազդել ուռուցքի վրա և ամբողջությամբ հեռացնել այն»,- պատմել է բժիշկը։
Հիվանդ Կառլա Ֆլորեսը դիմել է բժշկի այն բանից հետո, երբ նրա մոտ սկսել է երկտեսություն։ Արդյունքում նրա մոտ ախտորոշվել է հազվադեպ հանդիպող ոսկրային ուռուցք, որը կոչվում է խորդոմա, և որը շրջապատում էր ողնաշարն ու ողնուղեղը։
Բժիշկ Լաբիբը պատմել է, որ թիկունքից ուռուցքին հասնելու փորձը կարող էր հանգեցնել ողնուղեղի վնասման։ Այս նոր մոտեցումը թույլ է տվել նրանց խուսափել խոշոր արյունատար անոթների և առանցքային կառույցների վնասումից։
Բժիշկները հայտնաբերել են, որ Ֆլորեսն ուներ նաև ուղեղաբունը պատող մեծ խորդոմա։ Ընդհանուր առմամբ, նա ենթարկվել է երեք առանձին վիրահատության, ինչպես նաև պրոտոնային ճառագայթային թերապիայի, և այժմ նրա մոտ քաղցկեղի նշաններ չկան։
Տրանսօրբիտալ մոտեցումը նախկինում կիրառվել է գլխուղեղի և քթի հարակից խոռոչների ուռուցքների դեպքում, սակայն բժիշկ Լաբիբն ասում է, որ սա առաջին դեպքն է, երբ այն օգտագործվում է ողնաշարի ուռուցքի հեռացման համար։
Հայկական ֆուտբոլում հասունանում է իրավական նոր սկանդալ
Իրանը քննարկում է Եվրոպայում ամերիկյան օբյեկտների հարվածներ հասցնելու հնարավորությունը. FT
Ռուսաստանը օգոստոսի 20-ի գիշերը բալիստիկ հրթիռներով հարվածել է Կիևին
Սերգեյ Բագրատյանին երեք օրով չվճարվող արձակուրդ է տրամադրվել
Հրապարակվել է Կառավարության ծրագիրը՝ հիմնված «Իրական Հայաստանի» գաղափարախոսության վրա
Դեպի ԵՄ երկրներ արտահանման ծավալն աճել է
Սուրեն Պապիկյանն անակնկալ ստուգայցեր է իրականացնում ՊՆ զորամասերում
Եվս մեկ ստուգայց՝ հերթապահություն իրականացնող զորամասերից մեկում. Պապիկյան
Վրաերթի են ենարկվել զինծառայողներ, մեկը մահացել է
Գյումրի-Կարս երկաթուղու վերագործարկման հայկական հատվածի նախագծման համար միջազգային մրցույթ է հայտարա...