Այս հարցերի պատասխանները տալիս է Օքսֆորդի համալսարանի երկրաքիմիայի պրոֆեսոր և երկրակեղևի ջրածնի արտադրության վերաբերյալ նոր ընդհանրացնող հոդվածի գլխավոր հեղինակ Քրիս Բալենթայնի նոր հոդվածը։
Ըստ հետազոտության հեղինակների՝ վերջին 1 միլիարդ տարվա ընթացքում երկրակեղևը բավարար քանակությամբ ջրածին է արտադրել՝ մեր ներկայիս էներգետիկ կարիքները 170 հազար տարի բավարարելու համար։
Nature Reviews Earth and Environment հանդեսում հրապարակված նոր ակնարկում գիտնականները կազմել են գետնի տակ բնական գազանման ջրածնի ստեղծումը և կուտակումը խրախուսող երկրաբանական պայմանների «բաղադրիչների» ցանկ, ինչը պետք է հեշտացնի աղբյույրների որոնումը:
Բնական ջրածնի պաշարների ձևավորման համար անհրաժեշտ են երեք հիմնական տարրեր՝ ջրածնի աղբյուր, կոլեկտորային ապարներ և բնական կարծրուկներ, որոնք գազը թաքցնում են գետնի տակ։
Կան տասնյակ բնական գործընթացներ, որոնք կարող են ջրածին արտադրել: Դրանցից ամենապարզը ջուրը ջրածնի և թթվածնի բաժանող քիմիական ռեակցիան է, և ցանկացած տեսակի ապար, որում տեղի է ունենում այս գործընթացներից առնվազն մեկը, ջրածնի պոտենցիալ աղբյուր է, գրում է Բալենթայնը։
Հիմնվելով այն գիտելիքների վրա, թե ինչպես են ապարներից այլ գազեր արտանետվում գետնի տակ, ակնարկի հեղինակները ենթադրում են, որ տեկտոնական լարվածությունը և բարձր ջերմային հոսքերը կարող են երկրակեղևի խորքում ջրածնի արտանետման հանգեցնել։
Ակնարկը ցույց է տալիս, որ երկրակեղևի լայն շրջանակի տարածված երկրաբանական պայմանները կարող են երկրախուզական ընկերությունների համար խոստումնալից հնարավորություններ առաջարկել։
Ջրածինն օգտագործվում է առանցքային արդյունաբերական քիմիական նյութերի, մասնավորապես՝ մեթանոլի և ամոնիակի արտադրման համար, որոնք մտնում են պարարտանյութերի մեծ մաս բաղադրությունում։ Գազը կարող է նաև օգնել հրաժարվել հանածո վառելիքից, քանի որ ջրածինը կարող է էներգիա մատակարարել ինչպես ավտոմեքենաներին, այնպես էլ էլեկտրակայաններին։
Սակայն այսօր ջրածինը ստացվում է ածխաջրածիններից, իսկ դա նշանակում է, որ գազի արտադրությունն ածխաթթու գազի հսկայական արտանետումներ է ենթադրում։ Ստորգետնյա աղբյուրներից «մաքուր» ջրածինը շատ ավելի քիչ ազդեցություն ունի շրջակա միջավայրի վրա, քանի որ արտադրվում է բնական ճանապարհով։
Բալենթայնը նշում է, որ երկրակեղևը «մեծ քանակությամբ ջրածին» է արտադրում, և այժմ մնում է այն հայտնաբերելու համար անհրաժեշտ պայմանների ցանկին հետևել։
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Հունիսի 7-ը Մեր 2-րդ Անկախության Հանրաքվեն Է
Լրատվամիջոցների ու լրագրողների իրավունքների խախտումների թիվը նվազել է
Կենսաչափական անձնագրերը քաղաքացիներին հասանելի կլինեն 2026 թվականի աշնանը
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
Մեր նպատակն է, որ ՀՀ սահմանի բոլոր հատվածները լինեն սահմանապահ զորքերի պատասխանատվության ներքո
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
«Տաշիր Պիցցա»-ում աշխատակիցների են ազատել՝ «Ուժեղ Հայաստան»-ի հանրահավաքին չմասնակցելու համար