Շահեցին լոռեցիները
«Հրապարակ» թերթը գրում է. «Քննչական կոմիտեի նախագահ Արթուր Պողոսյանը եկած օրվանից կադրային ջարդ է սկսել, որն ակտիվորեն շարունակվում է նաեւ հիմա։ Վարչությունների, բաժինների պետեր են փոխվել ՔԿ-ում: Կոմիտեի մեր աղբյուրներն ասում են, որ ծագումով սպիտակցի Պողոսյանը բարձր պաշտոնների է նշանակում հատկապես իր համերկրացիներին` լոռեցիներին։
Օրեր առաջ ՔԿ տնտեսական հանցագործությունների եւ մաքսանենգության դեմ պայքարի գլխավոր վարչության պետ է նշանակվել Վաղինակ Մարտիրոսյանը։ Նա ծնունդով Վանաձորից է, աշխատել է ՆԳՆ-ում՝ որպես ներքին անվտանգության եւ հակակոռուպցիոն վարչության պետ։ Պաշտոն է ստացել ՆԳ նախկին նախարար Վահե Ղազարյանի օրոք։ Մարտիրոսյանը հանրությանը հայտնի է նախորդ տարվա մայիսին Սարդարապատի հուշահամալիրում տեղի ունեցած միջադեպից։
Երբ Բագրատ սրբազանը երթով գնացել էր ՆԳՆ շենքի մոտ՝ տեղեկանալու, թե Վեհափառ հայրապետի մուտքը խոչընդոտած ոստիկաններն արդյոք պատասխանատվության ենթարկվե՞լ են, Մարտիրոսյանն ասել էր, թե Վեհափառի հետ տեղի ունեցած միջադեպի առնչությամբ ՆԳՆ-ում ծառայողական քննություն չի նշանակվել։
ՔԿ նախագահի մեկ այլ որոշմամբ էլ՝ իրեն խորհրդական է նշանակվել Գեւորգ Խաչատրյանը` նույնպես Վանաձոր քաղաքից։ Նա 2023-2025թթ․ «Գազպրոմ Արմենիա» ՓԲԸ-ի Լոռու գազիֆիկացման եւ գազամատակարարման մասնաճյուղի գլխավոր հաշվապահն է եղել, դրանից առաջ` 15 տարի աշխատել է վարկային կազմակերպություններում՝ որպես կառավարիչ, եւ քննչականում աշխատելու համապատասխան փորձ չունի։
ՔԿ մամուլի խոսնակին հարցրինք՝ ի՞նչ խորհուրդներ է տալու Գեւորգ Խաչատրյանն Արթուր Պողոսյանին։ «Աշխատանքի բաժանում, որպես այդպիսին, չկա, դա որոշում է Քննչական կոմիտեի նախագահը, կոնկրետ խորհրդականների դեպքում կատարում են առանձին հանձնարարություն»,- պատասխանեց նա»:
Մանրամասները՝ թերթի այսօրվա համարում
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Մակրոնը և Սթարմերը Ուկրաինայի հարցով հանդիպում են հրավիրել
ԱՄՆ-ի գործողությունները Հորմուզի նեղուցում փակուղի են. Արաղչի
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Վահագն Խաչատուրյանը և Նիկոլ Փաշինյանը պարգևատրվել են Ֆրանսիայի Պատվո լեգեոն-Մեծ խաչ շքանշանով, Մակրո...
ԿԸՀ-ն սահմանել է նախընտրական քարոզչության ժամանակ հեռարձակողների կողմից եթերաժամ տրամադրելու կարգը
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա