Մալայզիացի տղամարդը տուն է բերել «աղջկա», որը պարզվել է՝ հիջաբով տղամարդ է

Մալայզիայի Պոնտյան քաղաքում արտասովոր դեպք է տեղի ունեցել։ Տեղացի տղամարդը տուն է բերել իր նոր ընկերուհուն, ում հետ ծանոթացել է ծանոթությունների հավելվածի միջոցով, սակայն ընտանեկան հանդիպումը վերածվել է մեծ բացահայտման։ Կնոջ ավանդական մուսուլմանական հիջաբի տակ թաքնված է եղել մի տղամարդ:

Ինչպես սոցցանցերում հայտնել է խաբված տղամարդու քույրը, նրա եղբայրը սոցցանցերում երեք շաբաթ շարունակ շփվում էր Հիդայա անունով աղջկա հետ։ Նոր ընկերուհին ներկայացել է՝ որպես որբ Սաբահից, ով այժմ ապրում է Կուալա Լումպուրում։

Ընտանիքը ջերմորեն ընդունել է հյուրին, բայց գրեթե անմիջապես նկատել է անհամապատասխանություններ։ Հիդայան նախապես զգուշացրել էր, որ նա ունի «խոշոր կազմվածք և տղայական բնավորություն», իսկ ուղարկված լուսանկարները տարօրինակ տեսք ուներ։ Աղջիկը շատ խոշոր էր թվում: Բացի այդ, նա կտրականապես խուսափել է իր դեմքը ցույց տալուց, իսկ երբ Մայայի քույրը փորձել է ավելի մոտիկից նայել նրան, նա հանկարծ վազել է լոգարան։

Երեկոյան տանտիրուհին հյուրին խնդրել է քնելուց առաջ հանել հիջաբը, սակայն վերջինս հրաժարվել է։ Երբ «հարսնացուն» քնել է, հարազատները նրա վրայից հանել են հիջաբը և զարմացել՝ տղամարդու հայտնաբերելով։

Իրավապահ մարմինները հետաքննում են դեպքի բոլոր հանգամանքները։