Բարձր ճնշումը կարող է հանգեցնել երիկամների կառուցվածքային փոփոխությունների
Հետազոտության արդյունքները ցույց են տալիս, որ արյան բարձր ճնշումը կարող է հանգեցնել պոդոցիտների՝ երիկամի ֆիլտրի մասնագիտացված բջիջների հետ կապված խնդիրների, նույնիսկ այն դեպքում, երբ այլ հիվանդություններ, ինչպիսին է դիաբետը նախկինում գոյություն չեն ունեցել: Արդյունքները, որոնք հրապարակվել են Hypertension ամսագրում, ընդգծում են արյան բարձր ճնշման վաղ հայտնաբերման եւ հետեւողական բուժման կարեւորությունը՝ երիկամների վնասումը կանխելու համար:
Այս արդյունքներն ստանալու համար հետազոտական թիմը վերլուծել է ընդհանուր 99 պացիենտի երիկամների հյուսվածքը, որոնք տառապում էին արյան բարձր ճնշմամբ (հիպերտոնիա) եւ 2-րդ տեսակի դիաբետով, կամ որոնք չեն ունեցել այս երկու հիվանդություններից ոչ մեկը:
Հետազոտությունն իրականացվել է երիկամների չախտահարված հյուսվածքի նմուշների վրա, որոնք ստացվել են ուռուցքային նեֆրեկտոմիայից (կատարվել է 2013-2018թթ.), վիրաբուժական միջամտություն, որի ընթացքում երիկամի ամբողջ կամ մի մասը հեռացվում է երիկամի ուռուցքը բուժելու համար:
Վիզուալացման ժամանակակից մեթոդների եւ համակարգչային տեխնոլոգիաների կիրառմամբ հյուսվածքների նմուշներում որոշվել են պոդոցիտների չափերն ու խտությունը, ինչպես նաեւ երիկամային մարմինների ծավալը։ Պոդոցիտները երիկամային բջիջներ են, որոնք կարեւոր դեր են խաղում երիկամների ֆիլտրացիոն ֆունկցիայի մեջ: Դրանց չափն ու խտությունը երիկամային հյուսվածքի առողջության կարեւոր ցուցանիշներ են։
Վերլուծության համար օգտագործվել է արհեստական բանականություն՝ խոր ուսուցման հիման վրա պատկերների վերլուծության տեսքով։ Հատուկ մշակված ալգորիթմի միջոցով ավտոմատ կերպով վերլուծվել են հյուսվածքների թվային հատվածները՝ պոդոցիտների կառուցվածքը ճշգրիտ փոխանցելու համար:
«Արդյունքները ցույց են տալիս, որ հիպերտոնիայով հիվանդներն ունեն պոդոցիտների ավելի ցածր խտություն, քան առողջ մարդիկ, եւ որ նրանց բջիջների միջուկներն ընդլայնված են՝ առողջների համեմատ»,- գրել է հետազոտության առաջին հեղինակ Քրիստոֆեր Պաշենը:
Այս փոփոխությունները տեղի են ունենում անկախ 2-րդ տեսակի դիաբետի լրացուցիչ ախտորոշումից եւ, հավանաբար, ներկայացնում են առաջին՝ մանրադիտակով տեսանելի քայլը երիկամային դիսֆունկցիայի վերաբերյալ: Հետազոտության հեղինակները սա դիտարկում են որպես ցուցում, որ արյան բարձր ճնշումը կարող է երիկամների կառուցվածքային վնաս պատճառել վաղ եւ մինչեւ կլինիկական ախտանիշների ի հայտ գալը:
Սամվել Կարապետյանի հայտարարությունից հետո Փաշինյանն իր մոտ է կանչել Հայկ Կոնջորյանին
«Բարով-խերով գնամ Թուրքիա գամ, հետո իրանց կասեմ` փիղն ինչ թռչուն է»
«Այն, ինչ կատարվում է Սամվել Կարապետյանի ու նրա ընտանիքի նկատմամբ, ամոթալի և անթույլատրելի է». ՀՀ նա...
Իրանը գրոհել է իսրայելական կործանիչների բազաները
Իսրայելն անօդաչու թռչող սարքեր է արձակել Նախիջևանից և Ղարաբաղից. Իրանցի քաղաքագետ
Սամվել Կարապետյանի նկատմամբ քրեական վարույթ է նախաձեռնվել
Սա կարող է ծանր հետևանքներ ունենալ Փաշինյանի համար. Ֆրանց Կլինցևիչ
Ռուսաստանի ԱԳՆ-ն մեկնաբանել է «Հայաստանի էլեկտրական ցանցերը» ազգայնացնելու Փաշինյանի առաջարկը
Ինչո՞ւ ՌԴ-ն իր քաղաքացիներին Իրանից տարհանելու համար առաջին իսկ օրերից չօգտագործեց Հայաստանով անցնող...
Պատրաստ ենք հարձակման անցնել Իրանի դեմ. Քրդստանի ազատության կուսակցության առաջնորդ