Միջազգային կազմակերպությունները Իլհամ Ալիեւից պահանջում են վերջ դնել բռնաճնշումներին
36 միջազգային կազմակերպություններ բաց նամակ են հղել ԵՄ ղեկավարությանը՝ կոչ անելով Ադրբեջանի նախագահ Իլհամ Ալիեւի հետ հանդիպումների ժամանակ պահանջել վերջ դնել բռնաճնշումներին։
«Մենք հետեւողականորեն ձեզ կոչ ենք անում օգտագործել ցանկացած հնարավորություն, որպեսզի նախագահ Ալիեւին ստիպեք դադարեցնել մարդու իրավունքների ոտնահարումները եւ իրականացնել կոնկրետ բարեփոխումներ մարդու իրավունքների ոլորտում։ Առաջին հերթին ազատել քաղբանտարկյալներին, բարեփոխել օրենսդրությունը, որը խանգարում է անկախ ՀԿ-ների գործունեությանը, եւ թույլ տալ նրանց օտարերկրյա ֆինանսավորում ստանալ»,- ասված է նամակում։
Վերջին տարիներին Ադրբեջանի իշխանություների գործողությունները կտրուկ հակասում են Արեւելյան գործընկերության շրջանակում նրա ստանձնած պարտավորություններին։ Ադրբեջանում փաստացի լուծարվում են անկախ լրատվամիջոցները, համացանցը վերահսկվում է, կալանավորվում են բազմաթիվ անկախ լրագրողներ եւ քաղաքացիական ակտիվիստներ։ «Մենք վստահ ենք, որ ԵՄ-ի եւ Ադրբեջանի միջեւ նոր համաձայնագրի մասին բանակցությունները պետք է շատ բանով կախված լինեն առաջընթացից, որը Ադրբեջանը կգրանցի հիմնարար իրավունքների ապահովման համար»,- ասված է հաղորդագրության մեջ։
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Առանց ռուսական նավթի, երբ մոտ է վառելիքի գլոբալ դեֆիցիտը
Մակրոնը ոչ մի բառով չի դատապարտել Իսրայել-ԱՄՆ Իրանի դեմ պատերազմը. Արաղչի
Հայաստանը՝ միջազգային տեխնոլոգիական համագործակցության նոր հարթակ․ CTBTO-ն առաջին անգամ տարածաշրջանայ...
Ամբերդ ամրոց և Քարի լիճ տանող ավտոճանապարհները փակ են
Մենք ուզում ենք, որ դուք օր առաջ տնավորվեք ՀՀ-ում
Թեհրանի կողմից ԱՄՆ-ի վրա հարձակման վերաբերյալ որևէ հավաստի հետախուզական տվյալ չի եղել
Էապես կրճատվել է այն բնակավայրերի թիվը, որտեղ չկան և հասանելի չեն նախադպրոցական ծառայություններ