Որ առավել մեծ միջազգային արձագանքի ֆոն լինի
«Փաստ» օրաթերթը գրում է.
Այն բանից հետո, երբ Ադրբեջանի ԱԳՆ-ն միակողմանի հայտարարեց, իսկ հետո Հայաստանի ԱԳՆ-ն հաստատեց «Հայաստանի Հանրապետության և Ադրբեջանի Հանրապետության միջև խաղաղության և միջպետական հարաբերությունների հաստատման մասին» համաձայնագրի նախագծի համաձայնեցված լինելու և նախագծի համաձայնեցման շուրջ բանակցությունների ավարտի փաստը, մի շարք երկրների կողմից հնչեցին ողջույնի հայտարարություններ: Ավելին, ոմանք նույնիսկ բարձր գնահատեցին այն հանգամանքը, որ Հայաստանը գնացել է «համարձակ զիջումների»:
Այստեղ ուշադրության է արժանի այն հանգամանքը, որ խոսվում է Հայաստանի զիջումների մասին, այնինչ Ադրբեջանի մասին խոսք չկա, չնայած քպականները փորձում են դա ներկայացնել որպես փոխզիջում: Մյուս կողմից՝ արտաքուստ տարօրինակ ոչինչ չկա, որովհետև նախ՝ նույն միջազգային հանրությունը ոգևորված ողջունում էր 2022 թվականի հոկտեմբերին Նիկոլ Փաշինյանի արցախյան ուրացումը, մյուս կողմից՝ ակնհայտ է, որ միջազգային հանրությունը ողջունելու է Հայաստանի համար նույնիսկ ակնհայտ խայտառակ տարբերակ, եթե դրան համաձայն են Հայաստանի իշխանությունները:
Այնպես որ, հատկապես Արևմուտքի կողմից ցնծագին հայտարարությունները սպասելի էին: Սակայն դիվանագիտական մեր աղբյուրները փոխանցում են, որ, չնայած դրան, Նիկոլ Փաշինյանը մեծ ցանկություն է ունեցել, որ հնարավորինս մեծ միջազգային աջակցության ֆոն ստեղծվի, և հայտարարությունից առաջ «առցանց խորհրդակցություն» է ունեցել Հայաստանում հավատարմագրված դեսպանների հետ, որպեսզի նրանք իրենց արտգործնախարարությունների միջոցով հասնեն համապատասխան արձագանքի՝ ի աջակցություն ձեռք բերված պայմանավորվածությունների:
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Մակրոնը և Սթարմերը Ուկրաինայի հարցով հանդիպում են հրավիրել
ԱՄՆ-ի գործողությունները Հորմուզի նեղուցում փակուղի են. Արաղչի
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Վահագն Խաչատուրյանը և Նիկոլ Փաշինյանը պարգևատրվել են Ֆրանսիայի Պատվո լեգեոն-Մեծ խաչ շքանշանով, Մակրո...
ԿԸՀ-ն սահմանել է նախընտրական քարոզչության ժամանակ հեռարձակողների կողմից եթերաժամ տրամադրելու կարգը
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա