Երկամյա որակազրկումից հետո ծանրորդ Հռիփսիմե Խուրշուդյանի հաջորդ մրցումը կլինի ԱԱ 2018-ը
Հայաստանի կանանց ծանրամարտի հավաքականի անդամ Հռիփսիմե Խուրշուդյանը որակազրկումից հետո 1-ին անգամ մրցահարթակ դուրս կգա աշխարհի 2018 թ. առաջնության ժամանակ: Այս մասին «Հայկական ժամանակի» հետ զրույցում ասաց կանանց հավաքականի գլխավոր մարզիչ Արտաշես Ներսիսյանը: Խուրշուդյանը որակազրկվել էր Պեկին 2008-ում եւ Լոնդոն 2012-ում արգելված խթանիչներ օգտագործելու համար, նրանից վերցվել էր Լոնդոնի օլիմպիական խաղերի բրոնզե մեդալը, իսկ որակազրկման ժամկետների մասին երկար ժամանակ ոչինչ չէր ասվում: Միայն վերջերս Ծանրամարտի միջազգային ֆեդերացիայի հերթական նիստի ժամանակ պարզ դարձավ, որ մայիսից նա կկարողանա նորից պայքարի մեջ մտնել:
«Մենք գիտեինք, որ ինչ-որ լավ բան տեղի ունենալու է եւ միշտ մարզավիճակում ենք եղել: Ես Հռիփսիմեին հավատում էի, իսկ նա միշտ մարզվում էր: Նրա հաջորդ մրցումը կլինի աշխարհի առաջնությունը»,- ասաց Ներսիսյանը:
Հռիփսիմե Խուրշուդյանը վերջին անգամ հավաքականի կազմում ելույթ է ունեցել 2016 թ. ապրիլին Նորվեգիայում կայացած Եվրոպայի առաջնության ժամանակ, որտեղ չեմպիոն է դարձել +75 կգ քաշային կարգում: Ստացվում է, որ նրա որակազրկումը նրա որակազրկումը կկազմի 2 տարի: Արտաշես Ներսիսյանը վստահ է, որ որակազրկումը եւ այս դադարը հոգեբանորեն չի ազդել մարզուհու վրա, եւ նա առաջվա պես տրամադրված է հաղթանակների:
«Նա նորմալ է, տրամադրված է, ես ինքս ավելի շատ տրամադրված եմ: Չպարծենամ, որ մեր խնդիրը միայն հաղթելն է: Մեր խնդիրը միայն լավ մասնակցելն է, որպեսզի Հռիփսիմեն ապացուցի, որ ինքն այն մարզուհին չէ, որը պետք է հենց այնպես հեռանար սպորտից... որ որեւէ մեկը մի 10 տարի առաջվա մակարդակով ասի. «Դուք ճիշտ չեք եղել, մենք այն ժամանակ սխալվել ենք կամ մեր լաբորատորիան լավը չի եղել, այսօր լավն է»: Այն ժամանակ այդ դաշտն է եղել՝ հավասար, այդ դաշտում մարզվել է ամբողջ աշխարհը, այդ դաշտում մենք եղել ենք ամենաուժեղը: Այսօր այդ դաշտն ուրիշ կերպ է, եւ ցանկանում ենք այդ նոր դաշտում էլ լինել ամենալավը»,- ասաց նա:
Պեկին 2008-ում արգելված խթանիչներ օգտագործելու համար որակազրկվել էր նաեւ օլիմպիական այդ խաղերում բրոնզե մեդալակիր դարձած Տիգրան Գեւորգի Մարտիրոսյանը: Նա նույնպես մայիսից կարող է մրցումների մասնակցել:
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
Մակրոնը և Սթարմերը Ուկրաինայի հարցով հանդիպում են հրավիրել
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Վահագն Խաչատուրյանը և Նիկոլ Փաշինյանը պարգևատրվել են Ֆրանսիայի Պատվո լեգեոն-Մեծ խաչ շքանշանով, Մակրո...
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
Ջերմուկում հայտնաբերված կարմիրգրքյան գորշ արջի քոթոթները տեղափոխվել են ապաստարան․ ԲԸՏՄ
ԱՄՆ-ի գործողությունները Հորմուզի նեղուցում փակուղի են. Արաղչի