Հայաստանում Ֆրանսիայի դեսպան Օլիվիե Դըկոտինյիի հարցազրույցի մի հատվածը լայն քննարկման առարկա դարձավ՝ կապված Արցախի` Ալմա-Աթայի հռչակագրով Ադրբեջանի մաս ճանաչվելու հետ, սակայն նա այլ ուշագրավ հայտարարություններ էլ էր արել: Օրինակ, Ֆրանսիայի հյուպատոսություն հիմնելու մասին` «Հայաստանի ամենառազմավարական եւ սպառնալիքի տակ ամենաշատը գտնվող մարզում»։«Այն, ինչ մտադիր ենք, ցանկանում ենք բացել, բուն հյուպատոսություն չէ, այլ՝ հյուպատոսական գրասենյակ, այսինքն՝ պատվավոր հյուպատոսի վարած գրասենյակ։ Արդեն որոշել ենք` կտեղակայվի Գորիսում, որովհետեւ Գորիսը, մի կողմից, կարելի է ասել, Սյունիքի խաչմերուկն է, մյուս կողմից՝ առանձնակի կապ ունի ֆրանսերենի հետ… թերեւս Հայաստանի ամենաշատ ֆրանկոֆոններ ունեցող քաղաքն է»։
Չնայած դեռ հստակ ժամկետներ չկան, թե երբ է բացվելու հյուպատոսությունը, տարածքն էլ դեռ ընտրված չէ, սակայն, մեր տեղեկություններով, արդեն որոշվել է, որ հյուպատոս է նշանակվելու «Գորիսի ֆրանսախոսների միություն» ՀԿ նախագահ Կարմեն Ափունցը:Նա հաստատեց տեղեկությունը՝ ասելով, որ ստացել է առաջարկ եւ մեծ սիրով համաձայնել․ «Իմ համոզմամբ՝ Գորիսը Հայաստանի ֆրանսախոսության մայրաքաղաքն է, քանի որ ֆրանսերենը պարտադիր դասավանդվում է բոլոր դպրոցներում ե՛ւ որպես օտար երկրորդ լեզու, ե՛ւ թե որպես ընտրովի՝ երրորդ լեզու։
Որպես ֆրանսախոսության կենտրոնի տնօրեն՝ ես կարող եմ հաստատել, որ ֆրանսերենի նկատմամբ հետաքրքրությունը տարեցտարի ավելանում է, եթե նախկինում կենտրոնն ուներ 50 այցելու, ապա այսօր` 150, ունենք նաեւ ֆրանսախոս դպրոց` տարբեր մակարդակի երեխաների համար, եթե նախկինում միայն 8-18 տարեկանների համար էր կենտրոնը, հիմա մինչեւ 65 տարեկան այցելու ունենք, հետաքրքրությունների մակարդակն էլ է փոխվել»։
Ափունցը չցանկացավ դեսպանի քաղաքական հայտարարություններին անդրադառնալ, սպառնալիքների մասով էլ ասաց․ «Տարածաշրջանային սպառնալիքները բոլորդ տեսնում եք»:
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Մակրոնը և Սթարմերը Ուկրաինայի հարցով հանդիպում են հրավիրել
ԱՄՆ-ի գործողությունները Հորմուզի նեղուցում փակուղի են. Արաղչի
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Վահագն Խաչատուրյանը և Նիկոլ Փաշինյանը պարգևատրվել են Ֆրանսիայի Պատվո լեգեոն-Մեծ խաչ շքանշանով, Մակրո...
ԿԸՀ-ն սահմանել է նախընտրական քարոզչության ժամանակ հեռարձակողների կողմից եթերաժամ տրամադրելու կարգը
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա