Ամբաստանյալ Շամար Դունկանը խոստովանել է, որ 2022 թվականի օգոստոսի 26-ին տեղի ժամանակով 3:30-ի սահմաններում, ծեծկռտուքից հետո կրակել է ատրճանակից, բայց ոչ մեկին սպանելու մտադրություն չի ունեցել:
Կրակոցի հետևանքով զոհվել է հոլանդացի կապրալ Սիմմի Պոետսեման, միաժամանակ վիրավորվել են Նիդերլանդների թագավորական բանակի երկու զինվոր: ԱՄՆ-ում գտնվող հոլանդացի զինվորները մոտակայքում ուսումնամարզական վարժանքների էին մասնակցում։
Երկուշաբթի Մարիոն շրջանի դատախազ Ռայան Միրսը մահացու հրաձգությունը որակել է «զենքի և ալկոհոլի թունավոր և ողբերգական համակցման ևս մեկ օրինակ»:
Զինվորները՝ հոլանդական Կոմանդոս կորպուսի անդամները, գնդակահարվել են հյուրանոցի մոտ, որտեղ նրանք հանգրվանել էին։
Հունվարին երդվյալ ատենակալները Դունկանին մեղավոր են ճանաչել սպանության, սպանության փորձի, ծեծկռտուքի և հասարակական կարգի խախտումների համար, վկայում են արձանագրությունները:
Դատախազ Դանիել Չիկկինին դատավարության ժամանակ հայտարարել է, որ Դունկանն այդ երեկո իր երկու եղբայրների հետ եղել է քաղաքի կենտրոնում, և նրանք վիճաբանության մեջ են մտել և կռվել զինվորների հետ, որոնք լավ պատրաստված էին և հաղթել են։
Ըստ դատախազի՝ Դունկանը հեռացել է, սակայն ավելի ուշ վերադարձել է և կրակ բացել նրանց վրա։
Դունկանն ի պաշտպանություն իրեն ցուցմունք տալիս հայտարարել է, որ ինքը կրակել է, բայց ոչ մեկին սպանելու մտադրություն չի ունեցել, հաղորդում է Ինդիանապոլիսում NBC-ի մասնաճյուղ WTHR-ը: Նա ցուցմունք է տվել, որ ծեծկռտուքից հետո «ուղղակի թեթևակի բարկացած է եղել»։
Դունկանի փաստաբան Դեյվիդ Մարգերումը պնդել է, որ երբ Դունկանը 9 մմ-անոց տրամաչափի ատրճանակից կրակել է հյուրանոցում, գիշերը խմելուց հետո, նա «դա արել է կույր ցասման մեջ» և ժամանակ չի ունեցել հստակ դիտավորություն կազմելու համար:
Սպանության մեղադրանքով Դունկանը դատապարտվել է 60 տարվա ազատազրկման, սպանության փորձի համար՝ 35, իսկ ծեծկռտուքի համար՝ 10 տարվա ազատազրկման։ Բոլոր մեղադրանքները նշանակվել են անընդմեջ կամ մեկը մյուսի հետևից պատիժը կրելու, որն, ըստ դատական փաստաթղթերի, կազմում է 105 տարի:
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Մակրոնը և Սթարմերը Ուկրաինայի հարցով հանդիպում են հրավիրել
ԱՄՆ-ի գործողությունները Հորմուզի նեղուցում փակուղի են. Արաղչի
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Վահագն Խաչատուրյանը և Նիկոլ Փաշինյանը պարգևատրվել են Ֆրանսիայի Պատվո լեգեոն-Մեծ խաչ շքանշանով, Մակրո...
ԿԸՀ-ն սահմանել է նախընտրական քարոզչության ժամանակ հեռարձակողների կողմից եթերաժամ տրամադրելու կարգը
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա