Թեյ և սուրճ խմողներն առավել պաշտպանված են բերանի խոռոչի, կոկորդի, գլխի և պարանոցի քաղցկեղի զարգացումից
Ըստ Cancer հանդեսում հրապարակված հետազոտության, թեյ և սուրճ խմողներն առավել պաշտպանված են բերանի խոռոչի, կոկորդի, գլխի և պարանոցի քաղցկեղի զարգացումից:
«Նույնիսկ առանց կոֆեինի սուրճը որոշակի դրական ազդեցություն ունեցավ»,- հանդեսի նորությունների հաղորդագրության մեջ հայտարարել է Յուտայի համալսարանին առընթեր բժշկական դպրոցի համաճարակաբան, Յուան-Չինի ավագ հետազոտող Էմի Լին:
Գլխի և պարանոցի քաղցկեղն աշխարհում յոթերորդ ամենատարածված քաղցկեղն է. միայն 2020 թվականին գրանցվել է նման քաղցկեղով հիվանդացության մոտ 745 հազար նոր դեպք, հիվանդությունը 364 հազար մարդու կյանք է խլել, ասվում է հետազոտողների տեղեկատվական հաղորդագրության մեջ:
Հետազոտությունն իրականացնելու համար գիտնականները միավորել են 14 նախորդ ուսումնասիրությունների տվյալները, որոնցում մասնակցել են գլխի և պարանոցի քաղցկեղով հիվանդ ավելի քան 9500 և մոտ 16 հազար առողջ մարդիկ:
Նրանք պարզել են, որ օրական չորս բաժակից ավելի սուրճ խմող մարդիկ սուրճ չխմողների համեմատ 17%-ով քիչ են ենթակա պարանոցի քաղցկեղի առաջացման ռիսկին, 22%-ով քիչ են ենթակա կոկորդի քաղցկեղի առաջացման ռիսկին, միաժամանակ 30%-ով քիչ են ենթակա բերանի խոռոչի քաղցկեղի զարգացման ռիսկին:
Գիտնականները միաժամանակ պարզել են, որ օրական երեքից չորս բաժակ սուրճ խմելը 41%-ով նվազեցնում է կոկորդի քաղցկեղի առաջացման հավանականությունը։ Թեյ խմելը 29%-ով նվազեցնում է այս տեսակի քաղցկեղի առաջացման հավանականությունը։ Եվ, ըստ երևույթին, կոֆեինը ռիսկը նվազեցնող միակ գործոնը չէ. առանց կոֆեինի սուրճը 25%-ով նվազեցնում է բերանի խոռոչի քաղցկեղի ռիսկը: Գիտնականները պարզել են, որ օրական մեկ բաժակ թեյ խմելն ընդհանուր առմամբ 9%-ով նվազեցնում է գլխի և պարանոցի քաղցկեղի առաջացման հավանականությունը: Սակայն օրական 1 բաժակից ավելի թեյ խմելը 38%-ով մեծացնում է կոկորդի քաղցկեղի առաջացման հավանականությունը։
Այս ռիսկի բարձրացումը կարող է պայմանավորված լինել նրանով, որ թեյը խթանում է թթվային ռեֆլյուքսը նրանց շրջանում, ովքեր օգտագործում են այն: Ապացուցված է, որ ռեֆլյուքսը կապված է կոկորդի քաղցկեղի բարձր ռիսկի հետ:
Սամվել Կարապետյանի հայտարարությունից հետո Փաշինյանն իր մոտ է կանչել Հայկ Կոնջորյանին
«Բարով-խերով գնամ Թուրքիա գամ, հետո իրանց կասեմ` փիղն ինչ թռչուն է»
Իրանը գրոհել է իսրայելական կործանիչների բազաները
«Այն, ինչ կատարվում է Սամվել Կարապետյանի ու նրա ընտանիքի նկատմամբ, ամոթալի և անթույլատրելի է». ՀՀ նա...
Իսրայելն անօդաչու թռչող սարքեր է արձակել Նախիջևանից և Ղարաբաղից. Իրանցի քաղաքագետ
Սամվել Կարապետյանի նկատմամբ քրեական վարույթ է նախաձեռնվել
Սա կարող է ծանր հետևանքներ ունենալ Փաշինյանի համար. Ֆրանց Կլինցևիչ
Ռուսաստանի ԱԳՆ-ն մեկնաբանել է «Հայաստանի էլեկտրական ցանցերը» ազգայնացնելու Փաշինյանի առաջարկը
Ինչո՞ւ ՌԴ-ն իր քաղաքացիներին Իրանից տարհանելու համար առաջին իսկ օրերից չօգտագործեց Հայաստանով անցնող...
Պատրաստ ենք հարձակման անցնել Իրանի դեմ. Քրդստանի ազատության կուսակցության առաջնորդ