Սերգեյ Մարկեդոնով. Ճիշտ չէ ղարաբաղյան հակամարտությունը սառեցվածներին դասելը
Լեռնային Ղարաբաղի հակամարտությունը սառեցված հակամարտություններին դասելը ճիշտ չէ: Երեւանում անցկացվող «Ստեփանակերտի շրջափակման ճեղքումը. 25 տարի անց» խորագրով համաժողովի ընթացքում նման տեսակետ հայտնեց քաղաքագետ Սերգեյ Մարկեդոնովը:
«Սառեցումը ենթադրում է իրավական եւ քաղաքական դինամիկայի, միջադեպերի բացակայություն»,- նշեց քաղաքագետը: Նա հիշեցրեց, որ անցյալ տարի ասում էին, թե ապրիլյան միջադեպն աննախադեպ էր: Նույնն էին ասում 2010-ի ամռան, 2012-ի, 2014-ի միջադեպերից հետո, խփված ուղղաթիռի առաջին միջադեպի մասին, հետո տանկերի հետ կապված: «Առնվազն 2006 թվականից գրանցվել է զինված միջադեպերի թվի աճ, ըստ որում՝ ոչ միայն շփման գծում, այլեւ հայ-ադրբեջանական սահմանին»,- նշեց Մարկեդոնովը:
Քաղաքագետը հոռետեսորեն արձագանքեց նաեւ խաղաղապահների հարցին: Նրա խոսքով՝ մի կողմից դա միշտ լավ է եւ որոշակի բուֆեր է, մյուս կողմից՝ խաղապահները վերացական չեն, դրանց ետեւում այն երկրներն են, որոնք նրանց ուղարկել են: Որպես դրական հանգամանք նա նշեց, որ չնայած գործադրված ջանքերին, Լեռնային Ղարաբաղը չդարձավ Ռուսաստանի եւ Արեւմուտքի շահերի բախման հարթակ: Դրա հետ մեկտեղ, նա հիշեցրեց, որ ինչպես Ռուսաստանը, այնպես էլ Արեւմուտքը ե՛ւ Հայաստանի, ե՛ւ Ադրբեջանի նկատմամբ որոշակի շահեր ունեն: «Արեւմուտքին ածխաջրածիններ են պետք: Իսկ այն երկրի ժողովրդավարության մասին, որտեղ ածխաջարածիններ կան, կարելի է մոռանալ»,- նշեց Մարկեդոնովը: Նա զուգահեռ քննադատեց Մադրիդյան փաստաթուղթը՝ նշելով փաստաթղթի ակնհայտ հակասությունները ինքն իրեն, նաեւ նվազագույնը՝ Ադրբեջանի սահմանադրությանը հանրաքվեի անցկացման մասով:
Նրա խոսքով՝ քաղաքական գործիչները պետք է հրաժարվեն պրոֆեսիոնալ լավատեսության նոպաներից եւ կենտրոնանան կոնկրետ հարցերի վրա՝ միջադեպերի հետաքննության մեխանիզմի եւ ԵԱՀԿ-ի գործող նախագահի անձնական ներկայացուցչի թիմի ընդլայնման: «Շփման 193 կմ-անոց գծի վրա Կասպրշիկը 5 մարդ ունի»,- հիշեցրեց քաղաքագետը՝ ընդգծելով, որ հարկավոր է դադարեցնել սայլը ձիուց առաջ դնել՝ նախ նվազագույնի հասցնել բռնության դեպքերը, հետո անցնել քաղաքական հարցերի լուծմանը: Քաղաքագետի բնորոշմամբ՝ ղարաբաղյան հակամարտությունն ավելի շուտ «դինամիկ ստատուս քվո է», որին հատուկ է «ռազմական թեստավորումը»: «Դիվանագետների խնդիրը այդ տարրը նվազագույնի հասցնելն է»,- հիշեցրեց քաղաքագետը՝ ի դեպ, հավելելով, որ Ղարաբաղում եղել է, ինչ պատճառով հայտնվել է հայտնի երկրի սեւ ցուցակում:
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Առանց ռուսական նավթի, երբ մոտ է վառելիքի գլոբալ դեֆիցիտը
Էապես կրճատվել է այն բնակավայրերի թիվը, որտեղ չկան և հասանելի չեն նախադպրոցական ծառայություններ
Փոխվարչապետ Մհեր Գրիգորյանի և ԵՄ ընդլայնման հարցերի հանձնակատար Մարթա Կոսի հայտարարությունները
Հայաստանը՝ միջազգային տեխնոլոգիական համագործակցության նոր հարթակ․ CTBTO-ն առաջին անգամ տարածաշրջանայ...
Էնցո Ֆերնանդեսը ցանկանում է հեռանալ Չելսիից
ՄԱԿ-ը կոչ է անում ստեղծել անվտանգ նավագնացության միջանցք՝ Պարսից ծոցից նավերը դուրս բերելու համար
ՄԻՊ-ն ընդունել է Մարդու իրավունքների եզդիական կենտրոնի ղեկավարին
Իրանում 19-ամյա ըմբշամարտիկի մահապատիժը նոր մտահոգությունների ալիք է բարձրացրել