Ամբողջ աշխարհի կենտրոնական բանկերը համալրում են իրենց ոսկու զինանոցները՝ որպես պաշտպան արտաքին ցնցումներից, ինչպիսին են հնարավոր առևտրային պատերազմները, որոնք առաջացել են Դոնալդ Թրամփի երկրորդ նախագահությունից և Ուկրաինայում և Մերձավոր Արևելքում ստեղծված աշխարհաքաղաքական լարվածությունից: Սակայն Արևելյան Եվրոպայի դրամավարկային քաղաքականության պահապաններն առանձնակի ցուցադրական կերպով համալրում են իրենց ոսկու պաշարները:
«Սերբական իշխանություններն արտասահմանում պահվող իրենց պաշարները տեղափոխել են տուն՝ Բելգրադում դրանց անվտանգությունն ապահովելու և պահեստավորման ծախսերը կրճատելու միտումով: Անվտանգության զգացում ունենալու ցանկությունը կարևոր դրդապատճառ է տարածաշրջանում, որը նախկինում ավերվել է եվրոպական պատերազմներից և այժմ, Երկրորդ համաշխարհային պատերազմից ի վեր, բախվում է մայրցամաքի ամենամահաբեր հակամարտությանը:
Սերբիայի կենտրոնական բանկի ղեկավար Յորգովանկա Տաբակովիչը 2012 թվականին պաշտոնը ստանձնելուց ի վեր եռապատկել է երկրի ոսկու պաշարները՝ հասցնելով 48 տոննայի:
Նա նշում է, որ ոսկու պաշարների կուտակումն իրականացվել է երկրի նախագահ Ալեքսանդր Վուչիչի հետ սերտ համագործակցությամբ, որը ոսկու գնումներին աջակցելու համար «ռազմավարական մտածողություն, գլոբալ աշխարհաքաղաքական հարաբերությունների իմացություն և տեղեկատվություն» է ապահովել։
Լեհաստանը, որը սահմանակից է Ուկրաինային և Կիևի պատերազմական նպատակների ջատագովն է, ըստ Ոսկու համաշխարհային խորհրդի վերջին տվյալների՝ երկրորդ եռամսյակում դարձել է ոսկու աշխարհի խոշորագույն գնորդը: Լեհաստանի կենտրոնական բանկի ղեկավար Ադամ Գլապինսկին հայտարարել է, որ տնտեսությունը աղետալի իրադարձություններից պաշտպանելու համար արժութային պահուստները չափազանց կարևոր են:
Գործակալությունը նշում է, որ սեպտեմբերի դրությամբ Գլապինսկին ավելացրել է իր ոսկու ձուլակտորների պաշարները, հասցնելով մինչև մոտ 420 տոննայի, ինչը մոտավորապես Հնդկաստանի կամ Ճապոնիայի պաշարների կեսն է:
Պրահայի կենտրոնական բանկը կարող է՝ պարծենալ մոտ 150 միլիարդ դոլար արժութային պահուստներով, որոնք կազմում են համախառն ներքին արդյունքի գրեթե կեսը և ըստ ծավալի խոշորագույներից մեկն է աշխարհում:
Չեխիայի Կենտրոնական բանկի կառավարիչ Ալես Միխլը, ում դիվերսիֆիկացման ծրագիրը ներառում է բաժնետոմսերի գնումը ԱՄՆ-ում, որոշ քննադատության է ենթարկվել ոսկի գնելու համար, քանի որ ոսկու գինն այս տարի շուկայական ռեկորդ է սահմանել: Արժույթի պաշտոնյաները պնդում են, որ երկարաժամկետ գնումները կլինեն աստիճանաբար՝ նվազեցնելով գների անկայունության ազդեցությունը: Աշխարհաքաղաքական քամիների աճով, ոսկի գնելը դրամավարկային քաղաքականություն մշակողների համար լավ խաղադրույք է դարձել:
Goldman Sachs Group-ն այս մետաղը ներառել է 2025 թվականի իր հիմնական ապրանքների ցանկում՝ հայտարարելով, որ Թրամփի նախագահության օրոք գները կարող են շարունակել աճել և մինչև հաջորդ տարվա դեկտեմբեր հասնել ունցիայի դիմաց 3000 դոլարի:
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
ԱՄՆ-ի գործողությունները Հորմուզի նեղուցում փակուղի են. Արաղչի
Մակրոնը և Սթարմերը Ուկրաինայի հարցով հանդիպում են հրավիրել
Էմանուել Մակրոնի հետ Գյումրի այցը մեկնարկում է 1988-ի երկրաշարժի զոհերի հիշատակին հարգանքի տուրքի մա...
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
ԿԸՀ-ն սահմանել է նախընտրական քարոզչության ժամանակ հեռարձակողների կողմից եթերաժամ տրամադրելու կարգը
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա