Գիտնականները պարզել են, թե ինչու են ոմանք չափազանց սուր արձագանքում չլփոցին, խշխշոցին, խռմփոցին և ծամելուն

Թեև մարդկանց մեծամասնությունը կարող է անհանգստություն զգալ, երբ ինչ-որ մեկը եղունգներով քերել է գրատախտակը, միսոֆոնիայից տառապող մարդիկ կարող են նաև չափազանց սուր արձագանքել այնպիսի ձայներին, ինչպիսին են չլփոցը, խռմփոցը, շնչառությունը և ծամելը:

Վերջին հետազոտությունները ցույց են տվել, որ միսոֆոնիան ավելի շատ է տարածված, քան նախկինում ենթադրվում էր, իսկ Եվրոպայում կատարված հետազոտությունները ցույց են տալիս, որ այս դրությունը տագնապի, դեպրեսիայի և հետտրավմատիկ սթրեսային խանգարումների հետ ընդհանուր գեներ ունի:

Հետազոտության արդյունքները հրապարակվել են Frontiers in Neuroscience հանդեսում:

Ամստերդամի համալսարանի հոգեբույժ Դիրկ Սմիթը և նրա գործընկերները վերլուծել են Psychiatric Genomics Consortium-ի, UK Biobank-ի և 23andMe տվյալների շտեմարանների գենետիկական տվյալները և պարզել, որ մարդիկ, որոնք իրենք իրենց նույնկանացնում են միսոֆոնիայից տառապող, հաճախ հանդիպում են հոգեկան խանգարումներին առնչվող, ինչպես նաև ականջներում զնգոց առաջացնող գեների:

Միաժամանակ արձանագրվել է համընկնում է հետտրավմատիկ սթրեսային խանգարման (PTSD) գենետիկայի հետ:

Ըստ գիտնականների՝ դա նշանակում է, որ գեները, որոնք զգայունություն են հաղորդում PTSD-ին, նույնպես մեծացնում են միսոֆոնիայի հավանականությունը, և դա կարող է մատնանշել ընդհանուր նյարդակենսաբանական համակարգը, որն ազդում է երկու հիվանդությունների վրա: Սա կարող է ցույց տալ, որ PTSD-ի համար կիրառվող բուժման եղանակները կարող են նաև օգտագործվել միսոֆոնիայի դեպքում:

«Մեր արդյունքները ցույց են տալիս, որ միսոֆոնիան և աուտիզմը գենոմային տատանումների առումով համեմատաբար անկախ խանգարումներ են», - գրում են հետազոտողները իրենց հոդվածում: «Սա մեծացնում է հավանականությունը, որ կան միսոֆոնիայի այլ ձևեր, որոնք հիմնականում պայմանավորված են զայրույթի կամ այլ բացասական հուզականությամբ հատուկ ձգանման (trigger) հնչյունների վրա, որոնք չափավորվ-զսպվում են անհատի բնավորության գծերով»:

Հրահրող ձայնի արձագանքները կարող են տատանվել գրգռվածությունից և զայրույթից ընդհուպ առօրյա կյանքին խանգարող անհանգստություն:

Աուտիզմի սպեկտրի խանգարում (ASD) ունեցող մարդիկ ավելի քիչ հավանական է, որ զգային միսոֆոնիա: Դա շատ անսպասելի էր, քանի որ աուտիզմով հիվանդ մարդկանց հանդուրժողականությունը ձայների նկատմամբ նվազեցված է: