Գիտնականներն ուղեղում սիրո աղբյուր են հայտնաբերել
Գիտնականները մագնիսառեզոնանսային շերտագրության հետազոտության արդյունքում ուղեղում հայտնաբերել են սիրո աղբյուրը. պարզվել է, որ այդ զգացողությունը հիմնականում կենտրոնացած է ուղեղի սոցիալական ազդանշանների մշակմանն առնչվող հատվածներում, հայտնում են գիտնականները Cerebral Cortex հանդեսում հրապարակված իրենց հոդվածում։
Հետազոտությունները ցույց են տվել, որ երեխաների հանդեսպ սերն առաջացնում է ուղեղի ամենաինտենսիվ ակտիվությունը՝ այն աստիճան ինտենսիվ, որ այն փաստացի տարածվում է ուղեղի այլ հատվածներում:
«Ծնողական սիրո դրսևորման դեպքում ակտիվանում է ուղեղի պարգևատրման խոր համակարգը շերտավոր մարմնի հատվածում, մի բան, որը որևէ սիրո այլ տեսակի դեպքում չի նկատվում», - ասում է Ֆինլանդիայի Ալտո համալսարանի հետազոտող Պարտիլի Ռինեն:
Գիտնականները պարզել են, որ ռոմանտիկ սերը նաև ուղեղի ակտիվության բարձրացում է հարուցում, սակայն այդ գործունեությունը սահմանափակվում է ուղեղի սոցիալական տարածքներով։ Բնության և կենդանիների հանդեպ սերն ակտիվացնում է պարգևատրման համակարգը և ուղեղի տեսողական հատվածները, բայց ոչ սոցիալական ոլորտները, որոնք այլ մարդկանց սիրելու հետ են կապված:
Հետազոտությունն իրականացնելու համար հետազոտողները խնդրել են սիրային հարաբերությունների մեջ գտնվող 55 ծնողների մտորել սիրո վեց տարբեր տեսակներին առնչվող կարճ պատմությունների շուրջ:
Այս պատմությունների պատասխանները համեմատվել են չեզոք պատմությունների պատասխանների հետ, որոնցում քիչ բան է տեղի ունեցել կամ ոչինչ չի պատահել, օրինակ, ավտոբուսի պատուհանից դուրս նայող կամ սեփական ատամները մտացրիվ մաքրող մարդկանց վերաբերյալ: Հետազոտողները զարմացել են՝ իմանալով, որ մարդկանց միջև սիրուն առնչվող ուղեղի հատվածները շատ նման են: Տարբերությունները հիմնականում վերաբերում էին ակտիվացման ինտենսիվությանը:
Օրինակ, անծանոթների հանդեպ կարեկցող սերն ավելի քիչ պարգևատրելի էր և ուղեղի ավելի քիչ ակտիվացում էր առաջացնում, քան սերտ հարաբերություններին առնչվող սերը, պնդում են հետազոտողները: Առհասարակ, բնության և կենդանիների մասին վերացական պատկերացումները չեն առաջացրել սիրո միևնույն զգացումները՝ մի նշանակալի բացառությամբ։
Հետազոտության արդյունքները ցույց են տվել, որ երբ կենդանիների տերերին խնդրել են մտածել իրենց չորքոտանի բարեկամների մասին, նրանց մեջ ակտիվանում են ուղեղի սոցիալական հատվածները, որոնք սովորաբար պատասխանում են մարդու հետ կապվածության համար:
Կառավարության մոտ քաշել են Արսեն Թորոսյանի օձիքից. ՔՊ պատգամավորը փախել է
«Սրբազան պայքար» անվանումով շարժման մասնակիցները և ղեկավարները պլանավորել էին ՀՀ-ում իրականացնել աhա...
«Քուանշ Նիկոլ». Կամանդույուշին անցավ պլան «Բ»–ի
ԱՄՆ-ն Իրանին հարվածելու համար կիրառել է «բոլոր ռումբերի մայրը» համարվող ռումբը
Հայաստանի և Ադրբեջանի ղեկավարների հանդիպումը տեղի չի ունենա, Ալիևը լքել է Թուրքիան
Սամվել Կարապետյանի մասին Ավինյանը եւ մյուսները լուռ են
Ինչո՞ւ ՌԴ-ն իր քաղաքացիներին Իրանից տարհանելու համար առաջին իսկ օրերից չօգտագործեց Հայաստանով անցնող...
ՌԴ ԱԴԾ-ն ձերբակալել է ադամանդներ հափշտակած և հայ պատգամավորի ընկերություն մատակարարող բանդային
Ռուսաստանի կոշտ զգուշացումը. ի՞նչ է նշանակում այս ամենը
Ձերբակալվել է Արմեն Ալեքսանյանը