Ռամոսը Goal-ի վարկածով ճանաչվել է 2017 թվականի լավագույն պաշտպան

«Ռեալի» պաշտպան Սերխիո Ռամոսը «Goal.com» ինտերնետ-պարբերականի կողմից ճանաչվել է 2017 թվականի լավագույն պաշտպան:

31-ամյա իսպանացի 50 լավագույն ֆուտբոլիստների ցանկում շրջանցել է «Միլանի» պաշտպան Լեոնարդո Բոնուչիին և ՊՍԺ-ի պաշտպան Դանի Ալվեսին:

«Goal50» մրցանակը հանձնվում է ամեն տարի: «Goal»-ի` ամբողջ աշխարհի բոլոր 37 հրատարակչությունների գլխավոր խմբագիրներն ու թղթակիցները գնահատում են մոլորակի 50 լավագույն ֆուտբոլիստներին վերջին 12 ամսվա կտրվածքով:

Բոլոր անվանակարգերում հաղթողները` դարպասապահից մինչև հարձակվող, ինչպես նաև 2017 թվականի լավագույն խաղացողի անունը կհայտարարվի նոյեմբերի 14-ին:

Հիշեցնենք` 2016 թվականի արդյունքներով լավագույն ֆուտբոլիստ էր ճանաչվել «Ռեալի» հարձակվող Կրիշտիանու Ռոնալդուն: