ՊՍԺ-ն հիմա պարտավոր է ամուսնանալ «Բարսելոնայի» հետ (Տեսանյութեր)

Ֆուտբոլի Չեմպիոնների լիգայի խաղարկության 1/8-րդ եզրափակիչում Փարիզի «Պարի Սեն Ժարմենը» սեփական դաշտում 4:0 հաշվով պարտության մատնեց «Բարսելոնային»:

Ամբողջ խաղի ընթացքում կատալոնյան ակումբը, որը բուքմեյքերների կարծիքով այս փուլի ամենաուժեղ թիմն է, ստեղծեց ընդամենը երկու վտանգավոր պահ: Ինչ վերաբերում է դաշտի տերերին, ապա նրանց մոտ ստացվում էր ամեն ինչ: բարսելոնացիները դեռ պետք է գոհ լինեն, որ ամեն ինչ ավարտվեց չորս գոլով:

Առաջին գոլը 18-րդ րոպեին տուգանային հարվածով խփեց դի Մարիան: 

40-րդ րոպեին հրաշալի հանդիպում անցկացրած Դրաքսլերը խփեց երկրորդ գոլը:

55-րդ րոպեին գեղեցիկ գոլի հեղինակ դարձավ դի Մարիան,

իսկ վերջակետը ոչ պակաս գեղեցիկ գոլով 72-րդ րոպեին դրեց Կավանին՝ Մենյեյի հրաշալի անցումից եւ փոխանցումից հետո:

Ավելացնենք նաեւ, որ «Բարսելոնայի» թույլ օղակը Մեսին էր, որը անդադար սխալ փոխանցումներ էր կատարում կամ կորցնում գնդակը:

Մյուս խաղում «Բենֆիկան» 1:0 հաշվով հաղթեց Դորտմունդի «Բորուսիային»:

Top-News.am 

Այս թեմայով Չեմպիոնների լիգայում երբեք այսպես չէր եղել «Բավարիան» եւ «Ռեալը» մեկը մյուսից դաժան գտնվեցին (Տեսանյութ)