Յունկեր. «Թուրքիան պետք է վերադառնա եվրոպական արժեքներին»

Եվրահանձնաժողովի նախագահ Ժան Կլոդ Յունկերը խոսել է Թուրքիայի եվրաանդամակցության հարցի շուրջ: Ըստ «Sputnik» լրատվամիջոցի թուրքական ծառայության՝ Յունկերը Բուլղարիայի վարչապետի հետ հանդիպման ժամանակ Թուրքիային կոչ է արել վերադառնալ եվրոպական արժեքներին:

«Որոշ թուրք պաշտոնյաներ փորձում են մեղադրել եվրամիությանը այն բանում, որ վերջինս չի կատարել Թուրքիային տված խոստումը ՝եվրաանդամակցության հարցում: Մինչդեռ մենք նման բան չենք անում: Մենք Թուրքիային ասում ենք, պետք է փորձի եվրոպական երկիր դառնալ»,-ասել է եվրահանձնաժողովի նախագահը:

Վերջինս, ըստ «Bloomberght» լրատվական կայքի էլ՝ հավաստիացրել է, որ Եվրամիությունը (ԵՄ) կկատարի Թուրքիային տված մեկ այլ իր խոստումը, որի համաձայն թուրքական կողմը առաջիկա տարիներին ԵՄ-ից կստանա 3 մլրդ դոլար, որպեսզի հոգա իր տարածքում գտնվող փախստականների կարիքները:
Աղբյուր` Ermenihaber.am