Թաիլանդի դեսպան․ Հայկական գինին մեր երկրում մեծ շուկա գտնելու լավ հնարավորություններ ունի
NEWS.am -ին տված հարցազրույցում Հայաստանում Թաիլանդի նորանշանակ արտակարգ ու լիազոր դեսպան Կրիանգսակ Կիտիչայսարեն անդրադարձել է հայ ու թաիլանդացի ժողովուրդների բարեկամության 300-ամյա պատմությանը, ուշադրություն դարձրել երկու երկրների փոխգործակցության չգործածված պոտենցիալին ոսկերչության, զբոսաշրջության, դեղագործության ու մշակույթի ոլորտներում, նաեւ հիացմունքը հայտնել հայկական գինիներով։
-ՄԻ քիչ կպատմե՞ք Թաիլանդի հարուստ մշակույթի ու թաիլանդական ավանդույթների մասին։ Հայկական ավանդույթների հետ որեւէ նմանություն նկատո՞ւմ եք։
Թաիլանդը գտնվում է Հնդկաստանի ու Չինաստանի միջեւ խաչմերուկում, դրա համար էլ մեր երկրում երկու մշակույթների խառնուրդ է։ Բայց մենք ունենք նաեւ Մալայան թերակղզու մեր ունիկալ ավանդույթները; Ինչ վերաբերում է Հայաստանի ու Թաիլանդի նմանություններին, ես կարծում եմ, որ մեզ համար ընդհանուր է ոսկերչությունը։ 300 տարի առաջ մի շարք հայեր բնակություն են հաստատել Սիամում՝ հին Թաիլանդում։ Եվ սկսել են ոսկերչական բիզնես։ Եվ մենք ձեզնից ենք սովորել։ Մեր ժողովուրդները բարեկամական են։
-ԻՆչպե՞ս կգնահատեիք Հայաստանի ու Թաիլանդի հարաբերությունների ներկա մակարդակը։ Ի՞նչ ոլորտներում եք դուք տեսնում հետագա զարգացման հեռանկարներ։
Երկու տարի առաջ Հայաստանի ու Թաիլանդի երկկողմանի առեւտուրը կազմում էր 34․94 մլն դոլար։Անցած տարի այդ ցուցանիշը նվազել է 2․69 մլ ն դոլարով։ Ինչը հսկայական նվազում է։ Գուցե դա պայմանավորված է ԱՊՀ երկրներում տիրող տնտեսական իրավիճակով, որոնք Հայաստանի համար արտահանման գլխավոր ուղղությունն են։ Բայց ես կարծում եմ, որ այս տարի, երբ լրանում է Հայաստանի ու Թաիլանդի միջեւ դիվանագիտական հարաբերությունների հաստատման 25 ամյակը, մենք պետք է սկսենք նոր նախագծեր՝ բոլոր ոլորտներում երկու երկրների հարաբերությունները աշխուժացնելու համար։ Մենք ծրագրում ենք սկսել ոսկերչական արտադրանքի ինդուստրիայից, քանի որ դա ձեր ուժեղ կողմն է։ Թաիլանդը մտադիր է դառնալ ԵՏՄ հետ ազատ առեւտրի մասին համաձայնագրի մի մասը, որի մասնակիցն է նաեւ Հայաստանը։ Հետեւաբար , մենք հույս ունենք, որ այդ համաձայնագիրը կնպաստի երկու երկրների հարաբերությունների հետագա զարգացմանը։
Մենք կցանկանայինք նաեւ ավելի շատ փոխգործակցել Հայաստանի հետ մշակութային փոխանակության ոլորտում։ Մենք արդեն ավարտել ենք մշակույթի ոլորտում համագործակցության մասին համաձայնագիր կնքելու բանակցությունները։ Շուտով մենք կսկսենք այդ համաձայնագրի ստորագրման գործընթացը։ Նաեւ մենք քննարկումներ ենք ունեցել զբոսաշրջության հարցերով ձեր պետկոմիտեի հետ։ Ձեզ շատ առաջարկելու բաներ կան, չնայած Հայաստանը փոքր երկիր է։ Թաիլանդը գիտի, թե ինչպես է դա արվում։ Անցած տարի Թաիլանդ են այցելել 32․6 մլն զբոսաշրջիկներ։ Մենք կարող ենք ձեզ փոխանցել մեր փորձը, թե ինչպես կարելի է ներգրավվել Հայաստանի բրենդինգին՝ որպես ամբողջ ընտանիքով այցելությունների համար զբոսաշրջային ուղղություն։
Մենք ունենք նաեւ ներդրումային նախագծեր։ Դուք շատ մեծ ներուժ ունեք դեղագործական ինդուստրիայում։ Եվ դա մի բնագավառ է, որը կարելի է ուսումնասիրել։ Շատ թաիլանդացի ձեռներեցներ նոր շուկաներ են որոնում։
Ինչո՞վ կարող է Հայաստանը գրավիչ լինել Թաիլանդի համար
Ձեզ համար կարող է մի քիչ անսպասելի հնչել, որ Թաիլանդում շատ են գինի խմում։ Մենք գինի ենք ներմուծում Ֆրանսիայից, Իսպանիայից, Պորտուգալիայից ու Իտալիայից։ Բայց մենք հիմա ներմուծում ենք Ավստրալիայից ու Նոր Զելանդիայից, քանի որ այդ երկու երկրների հետ ազատ առեւտրի մասին համաձայնագրեր ունենք։ Ավստրալիական ու նորզելանդական գինիների գները ավելի մրցունակ են, քան եվրոպական գինիներինը։ Հետո մենք հասկացանք, որ դուք հրաշալի գինի ունեք, այն շատ բարձրորակ է։
Դուք համտեսե՞լ եք հայկական գինի
Այո, ես արդեն համտեսել եմ ձեր գինին։ Ու ինձ շատ դուր է եկել։ Ես կարծում եմ, որ հայկական գինին Թաիլանդում մեծ շուկա գտնելու լավ շանսեր ունի, քանի որ մենք սիրում ենք նման գինի։ Եվ մենք գիտենք, ինչպես աջակցել ձեր արտադրությանը։ Դուք պետք է լրջորեն մտածեք այդ մասին, քանի որ արտահանման ամենամոտ ճանապարհը անցնում է Իրանի տարածքով։ Դա շատ երկար ճանապարհ է, մոտ 17 օրվա։ Եթե մենք կարողանանք որեւէ այլ ուղիներ գտնել լոգիստիկ տրանսպորտի համար, որպեսզի կրճատենք ճանապարհն ու ժամանակը, ձեր գինու գինն ավելի մրցունակ կլինի։
Մենք նաեւ քննարկել ենք կրկնակի հարկադրումը բացառելու մասին համաձայնագիրն ավարտին հասցնելը։ Դրա համար էլ այս տարի իմ օրակարգում է այդ համաձայնագիրը հնարավորինս շուտ իրականություն դարձնելը։
Ինչո՞վ կարող է Թաիլանդը գրավել Հայաստանին
Արդեն ասացի, որ մեր ժողովուրդները իրար ճանաչում են արդեն ավելի քան 300 տարի։ Բայց հետաքրքիր է, որ մեր ժողովուրդները ավելի սերտ չեն փոխգործակցում։ Գուցե պատճառն այն է, որ մեր երկրների միջեւ ուղիղ չվերթներ չկան։
Հայաստանում գործում է թաիլանդական բռնցքամարտի ֆեդերացիա, ու հայը (Գեւորգ Պետրոսյանը, հայկական ծագումով իտալացի մարզիկը) երկու տարի շարունակ՝ անցած ու նախանցած տարի , թաիլանդական բռնցքամարտի չեմպիոն է դարձել։ Ես կարծում եմ, մենք պետք է այնպես անենք, որ հայերը ավելի շատ բան իմանան Թաիլանդի մասին։
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Մադելին Շարաֆյանը «Օսկար»-ի մրցանակաբաշխությանը ներկայացել է հայ դիզայների զգեստով
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Ստեփանծմինդա-Լարս ավտոճանապարհը փակ է
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...