«Ես ապրիլի 30-ին եմ գնացել Գորիս, հայկական կողմի երաշխավորությամբ». ադրբեջանական անցակետն անցած Մեծ Շենի բնակիչ
Ադրբեջանի կողմից Հակարիի կամրջի փակվելու հետեւանքով երկկողմանի շրջափակման մեջ հայտնված Մեծ Շեն գյուղի բնակիչ Գեղամ Հարությունյանը այն քաղաքացիներից է, որն անցել է ադրբեջանական անցակետով:
NEWS.am-ի հետ զրույցում բնակիչը պատմեց, որ ապրիլի 30-ին է Սյունիքի մարզի Գորիս քաղաք գնացել սնունդ եւ անասնական կեր գնելու համար, որովհետեւ իր ունեցած պաշարներն արդեն սպառման եզրին էին:
Գեղամ Հարությունյանի խոսքով՝ ինքը հայկական կողմի երաշխավորությամբ է մեկնել Գորիս իր մեքենայով:
«Ես ռուսական կողմին չեմ դիմել, հայկական կողմին եմ դիմել, իրենց երաշխավորությամբ եմ գնացել»,- ասաց Գեղամ Հարությունյանը:
Նշենք, որ Արցախի տեղեկատվական շտաբը ապրիլի 30-ին հայտարարել էր, որ ադրբեջանական լրատվամիջոցների տարածած դեպքում երեւում են շրջափակման մեջ հայտնված գյուղերի բնակիչները, որոնք մնացել էին Գորիսում եւ վերադառնում էին ռուս խաղաղապահների աջակցությամբ:
«Ինչ վերաբերում է ադրբեջանական լրատվամիջոցների կողմից շահարկվող դեպքին, ապա այդ անձինք երկկողմանի շրջափակման մեջ գտնվող Շուշիի շրջանի չորս համայնքների բնակիչներ են, որոնք անցակետի տեղադրման պատճառով մնացել էին Գորիսում ու ռուս խաղաղապահների աջակցությամբ վերադառնում էին իրենց բնակավայր, եւ իրենց համար էլ անակնկալ կերպով կանգնեցվել են ադրբեջանցի ծառայողների կողմից»,- նշված էր հայտարարությունում:
«Անցակետում անձնագիրս եւ մեքենայիս հետ կապված փաստաթղթերն են ստուգել, հարցրել են՝ ինչ նպատակով էի եկել, ուր եմ գնում»,- պատմեց Գեղամ Հարությունյանը:
Բնակչի խոսքով՝ ադրբեջանական անցակետում մոտ հինգ րոպե է մնացել: Անցակետում մոտ տասն ադբեջանցի է եղել, որոնց հետ ռուսերեն է շփվել՝ թեպետ ադրբեջաներենի էլ է տիրապետում:
Նրա խոսքով՝ ադրբեջանցիներն իր ապրանքները չեն բացել, բայց ստուգել են սկանավորող սարքով:
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Պետական արգելոցի ֆոտոթակարդները կրկին նկարահանել են կովկասյան ընձառյուծին
Ստեփանծմինդա-Լարս ավտոճանապարհը փակ է
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...