Պոլիկլինիկաների աշխատաժամանակում սպասվում են փոփոխություններ
Հանրապետության պոլիկլինիկաների աշխատաժամանակում փոփոխություններ են սպասվում: Պոլիկլինիկաներն, օրվա կտրվածքով, առաջիկայում ավելի երկար են աշխատելու՝ 08:00-19:00: Դա հնարավորություն կտա աշխատող քաղաքացիներին այցելել պոլիկլինիկա առանց աշխատանքից ուշանալու կամ շուտ դուրս գալու: «Արմենպրես»-ի մամուլի սրահում հրավիրված ասուլիսում ՀՀ առողջապահության նախարարի տեղակալ Արտակ Ջումայանը տեղեկացրեց, որ այս առնչությամբ բազմաթիվ քաղաքացիներից ստացվել են նամակներ՝ պոլիկլինիկաների աշխատաժամանակի անհարմարության հետ կապված:
«Պոլիկլինիկաների աշխատաժամանակը երկարացվում է, սակայն դա չի նշանակում, որ բուժանձնակազմը հավելյալ ծանրաբեռնվելու է: Բժիշկների ընդունելությունը լինելու է առավոտյան 9:00-ից միչև 13:30-ն և 13:30-ից մինչև 19:00: Առավոտյան ժամը 08:00-ից կաշխատի լաբորատոր բաժանմունքը: Կաշխատի մեկ կամ երկու բուժքույր՝ կախված հերթագրված բուժառուների թվից»,-ասաց Արտակ Ջումայանը: Ստացվում է, որ աշխատող քաղաքացին կարող է իր բժշկին դիմել 18:00-ից հետո: Եթե հետազոտության անհրաժեշտություն լինի, ապա քաղաքացին կարող է առավոտյան ժամը 8:00-ին մոտենալ և հետազոտվել:
Աշխատանքից անհրաժեշտաբար դուրս գալու կարիք չի լինի: Նախատեսված է նաև նեղ մասնագետի հերթապահություն՝ շաբաթական մեկ օր: Նախարարի տեղակալը նշեց, որ արդեն հանդիպումներ են ունեցել մի շարք քաղաքների պոլիկլինիկաների տնօրենների հետ: Առաջիկայում հանդիպումները շարունակվելու են, որպեսզի առաջնային օղակի բուժանձնակազմի բոլոր մտահոգող հարցերի պատասխանները տրվեն:
Նշված պայմաններով, նոր գրաֆիկով աշխատանքը կլինի մի քանի ամսից:
Մելանյա Թրամփը շարունակում է պնդել, որ իր որդուն դեռևս անհրաժեշտ է մշտական հսկողություն
Որոշ տարածաշրջաններում ձյուն է տեղում․ Վարդենյաց լեռնանցքը, Սպիտակի ոլորանները, «Մեղրու սար» հատվածը...
Մոսկվայի կենտրոնում բազմաբնակարան շենք է այրվել․ զոհեր և վիրավորներ կան
ԱԱԾ տնօրենը հայտարարել է, որ Եզրաս արքեպիսկոպոս Ներսիսյանը եղել է ԽՍՀՄ ՊԱԿ գործակալ
Երևանը միանում է «Երկրի ժամ» համաշխարհային բնապահպանական նախաձեռնությանը
Փարիզի Սամուելյանի Արևելյան գրախանութի աճուրդի հանված արժեքավոր որոշ գրքեր արդեն Հայաստանում են
Էս լրիվ գողական եք հա՞ գնում․ ԱԺ ում լարված մթնոլորտ է
Վահագն Խաչատուրյանը ներկա է գտնվել Համայն Վրաստանի կաթողիկոս-պատրիարքի հուղարկավորության արարողությա...
Իրանում պատերազմը Հնդկաստանին կանգնեցրել է գազային ճգնաժամի առաջ
Թբիլիսիում քննարկել են երաժիշտների իրավունքները, աշխատանքային պայմանները և մշակութային քաղաքականությ...