Ծանրորդ Անդրանիկ Կարապետյանը Եվրոպայի երիտասարդական առաջնության չեմպիոն

Եվրոպայի մեծահասակների 2016 թ. չեմպիոն Անդրանիկ Կարապետյանը (85 կգ) ոսկե մեդալ նվաճեց Եվրոպայի 2017 թ. մինչեւ 23 տարեկանների առաջնությունում: Քիչ առաջ նա Ալբանիանի Դուրես քաղաքում ընթացող մրցաշարում երկամարտում գրանցեց 360 կգ արդյունք: Նաեւ փոքր ոսկի նվաճեց պոկում (170 կգ) եւ արծաթ հրում (190) վարժությունում:

Այս քաշային կարգում արծաթե մեդալակիր դարձավ իտալացի Անտոնիո Պիձոլատոն (352 կգ): 3-րդ տեղը երկամարտի 351 կգ-ով զբաղեցրեց բելառուս Մաքսկիմ Մուդրեուսկին:

2016 թ. օլիմպիական խաղերում լուրջ վնասվածք ստանալուց ու վիրահատվելուց հետո Անդրանիկ Կարապետյանն աստիճանաբար բարելավում է արդյունքները: Այս ամառ Թայփեյում կայացած համաշխարհային ուսանողական խաղերում նա փոխչեմպիոն դարձավ: Նաեւ փոքր բրոնզ նվաճեց պոկում վարժությունում: