Մհեր Սահակյանին որևէ մեղադրանք չի առաջադրվել, քանի որ դրա համար անհրաժեշտ է ԱԺ համաձայնությունը. պաշտպան

Մհեր Սահակյանին որևէ մեղադրանք չի առաջադրվել, քանի որ մեղադրանք առաջադրելու (քրեական հետապնդում հարուցելու) համար անհրաժեշտ է Ազգային ժողովի համաձայնությունը, և առայժմ այն առկա չէ։ Այս մասին ֆեյսբուքյան իր էջում գրել է «Հայաստան» խմբակցության պատգամավոր Մհեր Սահակյանի պաշտպան Ռուբեն Մելիքյանը:

Վերջինս տեղեկացրել է, որ համաձայն օրենքի՝ գլխավոր դատախազի միջնորդագիրը պետք է քննարկվի «Ազգային ժողովի առաջիկա հերթական նիստերում» (ԱԺ կանոնակարգ - սահմանադրական օրենք, 108-րդ հոդված), իսկ ԱԺ առաջիկա հերթական նիստը տեղի է ունենալու ապրիլի 11-ին։ «Քրեական հետապնդում հարուցելու կամ կալանքը որպես խափանման միջոց կիրառելու համար Ազգային ժողովին միջնորդելու բացառիկ լիազորությամբ օժտված է գլխավոր դատախազը։

Պատգամավորի անձեռնմխելիության հաղթահարման միակ ձևը սա է, և առայժմ նման միջնորդագիր ներկայացված չէ»,-գրել է նա: Պաշտպանը նաև հայտնել է, որ Մհեր Սահակյանի նկատմամբ կիրառված ձերբակալման ժամկետը լրանում է վաղը՝ ապրիլի 3-ին, ժամը 12:10-ին։

Պատգամավորը պահվում է Երևանի ոստիկանության Ձերբակալվածների պահման վայրում:

Այս թեմայով Դատախազությունը Մհեր Սահակյանին պատգամավորական անձեռնմխելիությունից զրկելու միջնորդագիր է ներկայացրել ԱԺ ընդդիմադիր պատգամավոր Մհեր Սահակյանն ազատ արձակվեց Քաղաքական որոշումը կայացված է. ինչ է սպասվում ընդդիմադիր պատգամավորին Մհերի տրամադրությունը լավ էր, ոգին՝ բարձր․ պատգամավորներն այցելել են Մհեր Սահակյանին Հարց՝ ու՞մ է դա պետք. Պատասխան՝ քպ-ական сброд-ին, որը և հատուկ հրահրել է ծեծկռտուքը